November 05, 2024
દેશની રાજધાની દિલ્હી(Delhi)માં પોલીસે મહિલાઓને બ્લેકમેલ(Blackmail) કરનાર એક શખ્સની ધરપકડ કરી છે. તે સોશિયલ મીડિયા(Social media) દ્વારા મહિલાઓનો સંપર્ક કરતો હતો. આ પછી, વિશ્વાસ જીત્યા પછી, તે વિડીયો કૉલ્સ(Video calls) કરતો હતો. આ દરમિયાન તે તેમને પોતાની વાતમાં ફસાવીને કપડાં ઉતારવાનું કહેતો હતો. આ દરમિયાન તે વિડીયો બનાવીને બ્લેકમેલ કરતો હતો.
ઉલ્લેખનીય છે કે, 12 જાન્યુઆરીએ સેન્ટ્રલ ડિસ્ટ્રિક્ટ દિલ્હીની રહેવાસી એક મહિલાએ સાયબર ક્રાઈમ ઓનલાઈન પોર્ટલ પર ફરિયાદ નોંધાવી હતી. જેમાં તેણે જણાવ્યું હતું કે ગયા વર્ષે જુલાઈમાં તે ઈન્સ્ટાગ્રામ પર રાઘવ ચૌહાણ નામના યુવકના સંપર્કમાં આવી હતી. વાતચીત દરમિયાન બંને મિત્રો બની ગયા અને વોટ્સએપ પર પણ વાત કરવા લાગ્યા. રાઘવ તેને રોજ મેસેજ કરતો હતો. આ રીતે તેણે વિશ્વાસ જીત્યો. આ પછી તેણે વિડીયો કોલ પર કપડાં ઉતારવાનું કહ્યું. આ કર્યા પછી તેણે એક વિડીયો બનાવ્યો.
મહિલાનો આરોપ છે કે વિડીયો બનાવ્યા બાદ રાઘવે તેની પાસે પૈસાની માંગણી કરી હતી. ડરના કારણે તેણે 1.25 લાખ રૂપિયા આપ્યા. આ પછી, તેણે ધમકી આપી અને પૈસાની માંગ કરી અને કહ્યું કે તે તેનો વિડીયો સોશિયલ મીડિયા પર મૂકશે. એટલું જ નહીં, તેણે પીડિતાનો અર્ધ-નગ્ન વિડીયો તેના પતિને મોકલીને 70 હજાર રૂપિયાની માંગણી કરી હતી. અહીં પણ તેણે પૈસા ન આપવા બદલ વિડીયો વાયરલ કરવાની ધમકી આપી હતી.
Trending News
પીડિતાની ફરિયાદના આધારે પોલીસે તપાસ શરૂ કરી છે. આ દરમિયાન ખબર પડી કે આરોપી કરોલબાગ વિસ્તારમાં હાજર છે. ટીમે કાર્યવાહી કરતા આરોપીની ધરપકડ કરી હતી. તેની ઓળખ ઈન્દોરના રહેવાસી સની ચૌહાણ ઉર્ફે રાઘવ (25) ચૌહાણ તરીકે થઈ છે. આ પૂછપરછ દરમિયાન આરોપીએ ચોંકાવનારી બાબતોની કબૂલાત કરી હતી.
તેણે જણાવ્યું કે તેણે ઈન્સ્ટાગ્રામ, ફેસબુક અને વોટ્સએપ પર એકાઉન્ટ બનાવ્યા છે. આ પછી ઘણી મહિલાઓને ફ્રેન્ડશિપ રિક્વેસ્ટ મોકલવામાં આવી હતી. ત્યાર પછી મોબાઈલ નંબર લઈને તેમને મેસેજ કરીને તેમનો વિશ્વાસ જીતવા માટે દરરોજ વિડીયો કોલ કરતો હતો. આ દરમિયાન તે તેને પોતાની વાતમાં ફસાવીને વિડીયો બનાવતો અને બ્લેકમેલ કરતો હતો. આરોપીએ 11મા ધોરણ સુધી અભ્યાસ કર્યો છે. તે પરિણીત છે પરંતુ પત્નીએ તેને 2 વર્ષ પહેલા છોડી દીધો હતો. હાલમાં તેઓ રેલવેમાં કોન્ટ્રાક્ટ પર અટેન્ડન્ટ છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરો.