November 24, 2024
સુરત (Surat): સુરતના વેસુ વિસ્તારમાં વીર નર્મદ યુનિવર્સિટી રોડ પર ઓવર બ્રિજ નીચે પરિવાર સાથે સૂઈતેલી બે વર્ષની બાળકીનું ડમ્પર ચાલકે અપહરણ કર્યું હતું અને બાદમાં ગેઈલ કોલોની ચાર રસ્તા પાસે વીઆઈપી રોડ પર લઈ જઈ દુષ્કર્મ આચર્યું હતું. આ કેસમાં, કોર્ટે આરોપી ડમ્પર ચાલકને દોષિત ઠેરવ્યો હતો અને તેને આજીવન કેદની સજા ફટકારી હતી અને 10,000 રૂપિયાનો દંડ પણ ફટકારયો હતો.
11/11/22ના રોજ વીર નર્મદ વિશ્વવિદ્યાલય રોડ પર ઓવરબ્રિજ નીચે પરિવાર બે વર્ષની બાળકી સાથે રસ્તા પર સૂતો હતો. તે દરમિયાન, લગભગ 2.30 વાગ્યે, ડમ્પર ચાલક 25 વર્ષીય શુભદીપ બાલ્કિશુન રાય આસપાસ નાસતો ફરતો હતો, બાદમાં તેણીને તેના ખભા પર બેસાડી બાળકીનું અપહરણ કર્યું હતું, ત્યારે બાજુમાં સૂતી તેની મોટી બહેન જાગી ગઈ હતી.
Trending News
નાની બહેનને ઉપાડી જતી જોઈને તેણે બૂમો પાડી તેના માતા-પિતાને જગાડ્યા હતા. મજૂર દંપતી તેમની માસૂમ બાળકીને બચાવવા માટે રસ્તા પર દોડ્યું હતું. તેણે દોડીને માસુમ પુત્રીને ઉઠાવી ગયેલા વ્યક્તિનો પીછો કર્યો હતો પરંતુ તે તેની પાસે પહોંચે તે પહેલા જ નરાધમ બાળકીને લઈને ભાગી ગયો હતો. નરાધમ યુવતીને ઉપાડી ગયો અને મગદલ્લા નજીક ગેઈલ કોલોની ચાર રસ્તા પાસેના વિશાળ ખુલ્લા વિસ્તારમાં લઈ ગયો. જ્યાં નરાધમે બાળકી પર ડમ્પરમાં દુષ્કર્મ આચર્યું હતું.
અપહરણની ઘટના દરમિયાન વેસુ પોલીસ સ્ટેશનની પેટ્રોલિંગ કરતી પીસીઆર વાન ત્યાંથી પસાર થઈ હતી. પીસીઆરમાં પેટ્રોલિંગ દરમિયાન મહિલા હેડ કોન્સ્ટેબલ સુમિત્રાબેન પટેલે મજૂર પરિવારને પોતાની સાથે બનેલી ઘટના વિષે કહ્યું હતું.
ઘટનાની ગંભીરતા જોઈને કંટ્રોલ રૂમમાં પહોંચતા જ પોલીસ દોડતી થઈ ગઈ હતી, પોલીસે તાત્કાલિક સમગ્ર વિસ્તારને કોર્ડન કરી લીધો હતો. મજૂરના પરિવારે આપેલી માહિતી મુજબ અને તે દિશામાં પોલીસે માસૂમ બાળકીની શોધખોળ શરૂ કરી હતી. દરમિયાન લેડી કોન્સ્ટેબલની મદદના કારણે નરાધમ ઝડપાઈ ગયો હતો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.