November 28, 2024
Rajkot Accident: રાજકોટમાં વહેલી સવારે નશામાં ધૂત કાર ચાલકે આધેડને પાછળથી ટક્કર મારી મોતના મુખમાં ધકેલી દીધાનો બનાવ સામે આવ્યો છે. શહેરના રામાપીર ચોકડી ઓવરબ્રિજ પર બનેલી આ ઘટનામાં બેફામ કાર ચાલક મૃતકના બાઈકને અડધો કિલોમીટર સુધી ઢસડી ગયો હતો. ઘટનાની જાણ થતાં ડીસીપી, એસીપી(Rajkot Accident) સહિતના અધિકારીઓ ઘટના સ્થળે દોડી ગયાં હતા. હાલ કારચાલક સહીત બે શખ્સોની અટકાયત કરી મેડિકલ રિપોર્ટ અર્થે મોકલી આપવામાં આવ્યા છે અને પોલીસે સાપરાધ મનુષ્ય વધની કલમો હેઠળ ગુન્હો નોંધવા તજવીજ હાથ ધરી છે.
અકસ્માત સમયે લોકોના ટોળા એકત્ર થઈ ગયા
વિગતો મુજબ, રાજકોટના 150 ફૂટ રીંગ રોડ પર રામપીર ચોકડી ઓવરબ્રિજ પરથી સેન્ડવીચની લારી ચલાવતા કિરીટભાઈ પોંદા નામના વ્યક્તિ પોતાના બાઈક પર જઈ રહ્યા હતા. આ દરમિયાન પાછળથી આવેલી કારે ટક્કર મારીને બાઈકને 200 મીટર સુધી ઢસડ્યું હતું. અકસ્માતમાં બાઈક ચાલક કિરિટભાઈનું ગંભીર ઈજાઓના કારણે મોત નિપજ્યું હતું.અકસ્માત સમયે લોકોના ટોળા એકત્ર થઈ ગયા હતા.પ્રાથમિક માહિતી અનુસાર, જ્યારે આ અકસ્માત થયો ત્યારે અનંત ગજ્જર અને દેવેન્દ્ર ઉપાધ્યાય નામના લોકો કારમાં સવાર હતા. અનંત ગજ્જર કાર ચલાવી રહ્યો હતો. કારમાં મુસાફરી કરી રહેલા બંને લોકોનો મેડિકલ ટેસ્ટ કરવામાં આવશે. જેના માટે હવે આરટીઓ અને એફએસએલ અધિકારીઓની મદદ લેવામાં આવી રહી છે. જો તબીબી તપાસ દરમિયાન બંને વ્યક્તિઓ નશામાં હોવાનું જણાશે તો તેમની સામે અલગથી ગુનો નોંધવામાં આવશે.
કાર ઓવરસ્પીડમાં હતી
અકસ્માતના પગલે પોલીસે સ્થળ પર પહોંચીને મૃતદેહને પોસ્ટમોર્ટમ માટે મોકલી આપ્યો હતો. જ્યારે કાર ચાલક અનંત ગજ્જર સામે અકસ્માત અને માનવવધનો ગુનો દાખલ કર્યો હતો. બંને શખ્સો પોલીસના સકંજામાં છે. રાજકોટ પશ્ચિમના ACP રાધિકા ભારાઈએ જણાવ્યું કે, અકસ્માત જોતા કારની સ્પીડ વધારે હોવાનું જણાય છે. તેની સ્પીડ જાણવા માટે RTO અને FSLની મદદ લેવામાં આવી છે. સાથે જ દારૂના નશાની વાત પર તેમણે કહ્યું કે, કારમાં સવાર બંને વ્યક્તિઓના મેડિકલ ટેસ્ટ કરાવવામાં આવશે. જો બંને પીધેલા જણાશે તો તે અંતર્ગત તેમની સામે અલગથી ગુનો દાખલ કરવામાં આવશે.
Trending News
પોલીસે બન્ને શખ્સોને દબોચી લીધા
અકસ્માતની ઘટનાની જાણ થતા જ DCP સહિતના ઉચ્ચ કક્ષાના પોલીસ અધિકારીઓ ઘટનાસ્થળે પહોંચ્યા હતા. પોલીસે બન્ને શખ્સોને દબોચી લીધા હતા, પોલીસે અકસ્માતની કલમો સાથે મનુષ્ય અપરાધ વધનો ગુનો દાખલ કર્યો. તો બીજી તરફ કારનો પણ ખુરદો બોલાઈ ગયો હતો.
ટ્રાફિક પોલીસ પર ઉઠ્યા સવાલ
રાજકોટ શહેરમાં બેફામ ઝડપે કાર હંકારતા લોકોની સામે પોલીસ મૂકપ્રેક્ષક બની નાના વાહનચાલકોને રોકી મસમોટા દંડ ઉઘરાવી રહી છે, પરંતુ અકસ્માત સર્જી બીજાની જિંદગી જોખમમાં મુક્તા લોકો સામે કોઈ કડક કર્યવાહી કરાવી શક્તિ નથી. છેલ્લા બે દિવસમાં બે-બે અકસ્માતની ઘટના સામે આવી છે. જેમાં બને કારના ચાલકો પૂરપાટ ઝડપે કાર ચલાવતા હોવાનું ફલિત થઇ રહ્યું છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App