December 20, 2024
Kedarnath: ઉતરાખંડના રુદ્રપ્રયાગમાં આવેલા કેદારનાથ ધામમાં બુટ પહેરી આંટા મારવા અને મંદિરની મૂર્તિઓ સાથે છેડછાડ કરનાર એક મજૂર વિરુદ્ધ (Kedarnath) કેસ નોંધવામાં આવ્યો છે. આ સમગ્ર ઘટના નજીકમાં લાગેલા સીસીટીવી કેમેરામાં કેદ થઈ ગઈ છે. પોલીસના જણાવ્યા અનુસાર વ્યક્તિ કેદારનાથ પુનર નિર્માણ કાર્યમાં એક કંપનીનો મજૂર છે.
વીડિયોમાં દેખાઈ રહ્યું છે કે આ વ્યક્તિ ભૈરવનાથ મંદિરના પરિસરમાં બુટ પહેરી આટા ફેરા કરી રહ્યો છે અને મૂર્તિઓ સાથે લાકડીનો ઉપયોગ કરી છેડછાડ કરતો દેખાઈ રહ્યો છે. આ આખો ઘટનાક્રમ મંદિર પરિસરમાં લાગેલા સીસીટીવી કેમેરામાં કેદ થઈ ગયો હતો.
પૂજારીએ મજુરની આ કરતુત પર દુઃખ વ્યક્ત કર્યું
વિડીયો વાયરલ થયા બાદ કેદારનાથ મંદિરના પૂજારીઓએ આ ઘટના અંગે મૌન તોડ્યું હતું અને પોલીસમાં ફરિયાદ કરી હતી. પોલીસે ઘટનાની તપાસ શરૂ કરી હતી. પ્રારંભિક તપાસમાં સામે આવ્યું કે આ વિડીયો જૂનો છે અને આરોપી સજ્જન કુમાર એક કન્સ્ટ્રક્શન કંપનીનો મજુર છે જે કેદારનાથ પુન: નિર્માણ કાર્ય સાથે જોડાયેલો છે.
Trending News
केदारनाथ धाम के श्री भैरवनाथ मंदिर में दानपत्र से छेड़छाड़ का वीडियो वायरल
जूते पहनकर शख्स भैरवनाथ को स्पर्श करता दिखा। कपाट बंदी के चलते किसी को भी वहां जाने की इजाजत नहीं
पुलिस ने संबंधित व्यक्ति, ठेकेदार और कंपनी पर की FIR दर्ज#Uttarakhand#kedarnath @uttarakhandcops pic.twitter.com/FEWjcJYFIZ
— Devbhoomi Dialogue (@Devbhoomidialo) December 18, 2024
પોલીસે સજ્જન કુમારના ઠેકેદાર અને કન્સ્ટ્રક્શન કંપની વિરુદ્ધ કલમ 298 અને 331 અંતર્ગત કેસ નોંધ્યો છે. પોલીસનું કહેવું છે કે આરોપીને ટૂંક સમયમાં પકડી પાડવામાં આવશે અને તેના માટે એક અલગ ટીમની રચના કરવામાં આવી છે.
પોલીસે મજૂરને પકડવા માટે સ્પેશિયલ ટીમ બનાવી
જણાવી દઈએ કે કેદારનાથ મંદિરના કપાટ બંધ થયા બાદ ધામમાં જવાની કોઈપણ વ્યક્તિને અનુમતિ હોતી નથી. ફક્ત કેદારનાથમાં પોલીસ દ્વારા ત્યાં પુન: નિર્માણનું કાર્ય કરી રહેલા લોકો માટે જ મંજૂરી આપવામાં આવી છે. ત્યાં ફક્ત મજૂરો કામ કરવા માટે જાય છે. એવામાં આનો લાભ ઉઠાવી એક મજૂરે મંદિર પરિસરમાં ઘુસી ભક્તોની આસ્થાને ઠેસ પહોંચાડે એવી હરકત કરી છે. પોલીસ હાલ આરોપીની શોધખોળ કરી રહી છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App