November 25, 2024
થોડા દિવસ પહેલા જ અમેરિકન રાષ્ટ્રપતિ ડોનાલ્ડ ટ્રમ્પ હાઇડ્રોક્સીક્લોરોક્વિનની ભારત પાસે માંગ કરી રહ્યા હતા. દવા ન આપવા પર ટ્રમ્પ દ્વારા ભારતને કાર્યવાહી કરવાની પણ ચીમકી અપાઈ હતી. ત્યારે અમેરિકામાં કોરોના વાયરસ સામે લડવા માટે બે ગુજરાતી પટેલ ભાઈઓની કંપનીએ મોટો ફાળો આપ્યો છે. કંપનીએ 34 લાખ હાઇડ્રોક્સીક્લોરોક્વિન ગોળીઓ દાનમાં આપી છે, જે માનવામાં આવે છે કે તે કોરોના વાયરસ ના ચેપની સારવારમાં ખૂબ અસરકારક છે.
ચિરાગ પટેલ અને ચિન્ટુ પટેલની કંપનીનું નામ એમનીલ ફાર્માસ્યુટિકલ્સ છે. જેનું મુખ્યાલય અમેરિકાના ન્યુ જર્સીમાં છે. આ કંપની અમેરિકાની સૌથી મોટી ફાર્માસ્યુટિકલ કંપનીઓમાંની એક છે. હાઇડ્રોક્સિક્લોરોક્વિનને હાઇડ્રોક્સિક્લોરોક્વિન સલ્ફેટ તરીકે પણ ઓળખવામાં આવે છે.
ઉલ્લેખનીય છે કે અમેરિકામાં કોરોના વાયરસનો પ્રકોપ વધી રહ્યો છે અને તેના કારણે ત્યાં લગભગ 20 હજાર લોકોનાં મોત નીપજ્યાં છે. આને કારણે, યુ.એસ. માં હાઇડ્રોક્સિક્લોરોક્વિનની મોટી માંગ છે. અમેરિકી રાષ્ટ્રપતિ ડોનાલ્ડ ટ્રમ્પે ખુદને પીએમ મોદીને હાઈડ્રોક્સિક્લોરોક્વિનના નિકાસ પરનો પ્રતિબંધ હટાવવા વિનંતી કરી છે. આ પછી ભારતે આ પ્રતિબંધને હટાવ્યો છે અને હવે આ દવાનો માલ ભારતથી મોટી સંખ્યામાં અમેરિકા જશે.
Trending News
ન્યૂઝ એજન્સી પીટીઆઈના અનુસાર, કંપની તેને અમેરિકાના રિટેલ આઉટલેટ્સ અને મોટી સંસ્થાઓ દ્વારા ઉપલબ્ધ કરાવશે. કંપનીએ કોવિડ -19 દર્દીઓની સારવાર માટે ન્યુ યોર્કમાં 200 મિલીગ્રામ હાઇડ્રોક્સીક્લોરોક્વિન સલ્ફેટની 20 લાખ ગોળીઓ અને ટેક્સાસમાં 10 લાખ ગોળીઓ દાન આપી છે. સિવાય કંપની સીધી હોસ્પિટલોમાં દવાઓ પણ પૂરી પાડે છે અને જો જરૂર પડશે તો દાનમાં વધુ વધારો કરી શકે છે. કંપનીએ લુઇસિયાનાને 4 લાખ ગોળીઓ દાન આપવાનો નિર્ણય કર્યો છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો.
https://play.google.com/store/apps/details?id=com.trishul.news