રીપોર્ટમાં થયો ખુલાસો: 15 મે સુધીમાં ભારતમાં થશે હજારો મોત, 5 લાખથી વધુ હશે કોરોના પોઝીટીવ

ભારતમાં કોરોનાવાયરસ ના કેસ ઝડપથી વધી રહ્યા છે. દેશમાં મે મહિનાના મધ્ય સુધીમાં ગંભીર પરિસ્થિતિ ઉભી થઈ શકે છે અને સંક્રમણથી મરનારાઓની સંખ્યા 661 વધીને 38,220 સુધી પહોંચી શકે છે. જ્યારે સંક્રમિત લોકોની સંખ્યા 30 લાખ સુધી પહોંચી શકે છે. આ અનુમાન ભારતની ચાર મોટી રિસર્ચ સંસ્થાઓ દ્વારા કરવામાં આવ્યું છે. રિસર્ચમાં જવાહરલાલ નેહરુ સેન્ટર ફોર એડવાન્સ રીસર્ચ, ઇન્સ્ટીટ્યુટ ઓફ સાયન્સ (બેંગલોર), આઇઆઇટી બોમ્બે અને આર્મ્ડ ફોર્સેજ મેડિકલ કોલેજ જેવી સંસ્થાઓનો સમાવેશ થયો છે.

રિસર્ચ અનુસાર મે મહિનામાં કોરોના સંક્રમિત લોકોની સંખ્યા વધવાથી દેશમાં 76,000 આઇસીયુ બેડની જરૂર પડશે. મહત્વની વાત તો એ છે કે આ ચાર સંસ્થાઓની ઇટલી અને ન્યૂયોર્ક પર કોરોના સંક્રમિત લોકો અને તેનાથી મૃત્યુ પામતા લોકો અંગેની ભવિષ્યવાણી લગભગ સચોટ સાબિત થઇ છે.

JNCASR ના એસોસિયેટ પ્રોફેસર સંતોષ અંશુમલીએ ધ ન્યૂયોર્ક એક્સપ્રેસ સાથે વાતચીત દરમિયાન જણાવ્યું કે – ‘હાલના ડેટાને આધારે આ મોડલ થી ખરાબમાં ખરાબ હાલત નું અનુમાન કાઢવામાં આવ્યું છે. ૧૯મી મે સુધી મૃતકોની સંખ્યા ૩૮ હજાર આસપાસ રહેશે. વર્તમાન સમયનો ડેટા આવ્યાની સાથે આ આંકડો બદલી પણ શકે છે. અમારો ધ્યેય આ રિસર્ચ ના આધારે સિસ્ટમને એલર્ટ કરવું અને આઈ મિસ યુ તથા અન્ય ઇન્ફ્રાસ્ટ્રકચર તૈયાર કરવાનો છે. “