હાથ-પગ બાંધી શિક્ષક કરતો દીકરી પર દુષ્કર્મ, માતા પણ આપતી સાથ- જાણો કેવી રીતે ઘટના બહાર આવી

મધ્યપ્રદેશના મુરેના જિલ્લાના પોરસામાં એક શિક્ષકે પોતાની દીકરી સાથે બે વખત દુષ્કર્મ કરી નાખ્યું. દુષ્કર્મ કરતા પહેલા દીકરીના હાથ-પગ બાંધી દેવામાં આવતા હતા. શરીર પર બટકા ભરવાના નિશાન પણ દેખાઇ રહ્યા છે. પિતા ઉપર સતત દુષ્કર્મ કરવાનો આરોપ લગાવતા એક કિશોરીએ મોટી બહેનના માધ્યમથી ચાઈલ્ડ હેલ્પલાઈન પર ફરિયાદ આપી હતી.

આ શરમજનક ઘટનામાં માતા-પિતા બંને સામેલ છે. પોલીસે આરોપી પતિ પત્નીને હિરાસતમાં લઈને પૂછપરછ આદરી છે. ઘટનાના પ્રાથમિક તથ્યો સામે આવવા પર પોલીસે કેસ નોંધી આરોપીઓની ધરપકડ કરી લીધી છે. બુધવારના રોજ બંનેનું મેડિકલ ટેસ્ટ પણ કરવામાં આવ્યો.

દીકરીને ઘરમાં જ કરી રાખી હતી કેદ

ઘરની બહાર કોઈને ખબર ન પડે એટલા માટે દીકરી ને ઘરમાં જ કેદ રાખવામાં આવી હતી. પિતા દ્વારા જ દુષ્કર્મ કરવાથી હેરાન કિશોરીએ પોતાની પરિણીત મોટી બહેનને આના વિષે જાણકારી આપી હતી. તેની ફરિયાદ ચાઈલ્ડ હેલ્પલાઈનમાં કરવામાં આવી. ત્યાંથી આવેલા સભ્યોએ બાલિકાને કેદમાંથી છોડાવીને પોલીસને જાણ કરી હતી. પોલીસે બંને પતિ-પત્નીને ગિરફતારમાં લઇ ગંભીર પૂછપરછ કરી છે.