પેટ્રોલના ભાવમાં ફરી ભડકો, ડીઝલમાં કોઈ ફેરફાર નહિ- જાણો મોટા શહેરોમાં કિંમત

આ અઠવાડિયે પેટ્રોલના ભાવમાં સતત વધારો થઇ રહ્યો છે. આ અઠવાડિયે પેટ્રોલના ભાવમાં પ્રતિ લિટર 92 પૈસાનો વધારો થયો છે. 22 ઓગસ્ટ, શનિવારે પણ પેટ્રોલના ભાવમાં પ્રતિ લિટર 16 પૈસાનો વધારો કરવામાં આવ્યો હતો. દિલ્હીમાં પેટ્રોલ 81.35 રૂપિયા પ્રતિ લિટરે પહોચ્યું છે.

મોટા શહેરોમાં પેટ્રોલના ભાવ…
ઈન્ડિયન ઓઇલની વેબસાઈટ અનુસાર, આ વધારા પછી, દિલ્હીમાં પેટ્રોલ પ્રતિ લિટર 81.35 રૂપિયા અને ડીઝલ 73.56 રૂપિયે પહોચી ગયું છે. ચેન્નઇમાં પેટ્રોલ 84.40 રૂપિયા અને ડીઝલ 78.86 રૂપિયે વેચાઈ રહ્યું છે. મુંબઇમાં પેટ્રોલ પ્રતિ લિટર 88.02 રૂપિયા અને ડીઝલ 80.11 રૂપિયા થયું છે. આ જ રીતે કોલકાતામાં પેટ્રોલ .82.87 રૂપિયા અને ડીઝલ 77.06 રૂપિયા થયું છે. નોઈડામાં પેટ્રોલની કિંમત 81.80 રૂપિયા અને ડીઝલની કિંમત રૂ .73.87 છે.

ચાલુ મહિનામાં ડીઝલમાં કોઈ ફેરફાર થયો નથી…
આ મહિનામાં ડીઝલના ભાવમાં રાહત આપવામાં આવી છે અને તેમાં કોઈ વધારો થયો નથી. પરંતુ આ પહેલા જુલાઈમાં સરકારી તેલ કંપનીઓએ માત્ર ડીઝલની કિંમતમાં વધારો કર્યો હતો. તે દરમિયાન, 10 અઠવાડિયામાં લિટર દીઠ રૂ. 1.60નો વધારો કરવામાં આવ્યો હતો. જો કે, દિલ્હીમાં ડીઝલ ખૂબ સસ્તું થયું કારણ કે દિલ્હી સરકારે વેટમાં નોંધપાત્ર ઘટાડો કર્યો હતો.