April 22, 2025
રાજ્યમાંથી અવારનવાર અકસ્માતની ઘટનાઓ સામે આવતી રહેતી હોય છે. મોટાભાગનાં અકસ્માત તો હાઈવે અથવા તો માર્ગ પર જ થતાં હોય છે. અકસ્માતને કારણે ઘણાં લોકોને પોતાનો તેમજ પોતાના સ્વજનોને ગુમાવવાનો વારો આવતો હોય છે. હાલમાં પણ આવા જ એક સમાચાર રાજ્યમાં આવેલ બોટાદ જીલ્લામાંથી સામે આવી રહ્યાં છે.
બોટાદ જિલ્લામાં આવેલ રાણપુર ગામનાં પાળીયાદ રોડ પર ટ્રકની અડફેટે આવી જતાં વૃદ્ધ દંપતીનું ઘટનાસ્થળ પર જ મોત થયું હતું. ઘટનાની જાણ થતાં આજુબાજુના તમામ લોકો ભેગા થઈ ગયા હતાં તેમજ પોલીસને જાણ કરી દેવામાં આવી હતી. પોલીસે ઘટનાસ્થળ પર પહોંચી પોસ્ટમોર્ટમ સહિતની આગળની કાર્યવાહી હાથ ધરી હતી.
વૃદ્ધ દંપતી લીંબડી દર્શન કરવા માટે જઈ રહ્યાં હતા :
મળી રહેલ જાણકારી પ્રમાણે બોટાદ જિલ્લામાં આવેલ રાણપુર શહેરમાં પાળીયાદ રોડ પરથી વૃદ્ધ દંપતી પગપાળા હાથ લારી લઈને જસદણથી લીંબડી દર્શન કરવા માટે જઈ રહ્યાં હતા. આ દરમિયાન અચાનક ટ્રકચાલકે ટક્કર મારતા બંનેના ઘટનાસ્થળ પર જ મોત થયા હતાં.
Trending News
અકસ્માતને કારણે લોકો એકઠા થઈ ગયા :
અકસ્માતની ઘટનાના કારણે તમામ લોકો એકત્ર થઈ ગયા હતા તેમજ આ ઘટનાની જાણ પોલીસને કરી દેવામાં આવી હતી. જેને લીધે પોલીસનો કાફલો ઘટનાસ્થળ પર દોડી આવ્યો હતો તેમજ બંનેના મૃતદેહને પોસ્ટમોર્ટમ કરવાં માટે ખસેડવાની કાર્યવાહી હાથ ધરવામાં આવી હતી. મૃતક દંપતી જસદણનાં પ્રજાપતિ સમાજના હોવાનું જાણવા મળી રહ્યું છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews ગુગલ ન્યુઝમાં ફોલો કરો: http://bit.ly/TrishulNewsOnGoogle