હાઈવે પર ડ્રાઇવર વિના જ દોડી રહી છે આ કાર, વિશ્વાસ ન આવે તો જુઓ વિડીયો… 

સમગ્ર વિશ્વમાં ટેસ્લા (Tesla) કાર ઓટોપાયલટને લીધે ખુબ પ્રખ્યાત બની છે. ભારતમાં હજુ સુધી આવી ટેક્નોલોજી વાળી કાર આવી નથી. આ દરમિયાન સોશિયલ મીડિયા પર ઓટોપાયલટ કારનો (Auto Pilot Car) એક વીડિયો ખુબ ચર્ચામાં આવી રહ્યો છે.

વીડિયોમાં એક વ્યક્તિ જે સહચાલકની સીટ પર આરામથી બેઠેલો જોવાં મળે છે પરંતુ ડ્રાઇવરની સીટ પર કોઈ જોવાં મળતું નથી. આ વીડિયોને જોઈ લોકો કેટલાક આશ્ચર્યમાં મૂકાઈ ગયા છે. સોશિયલ મીડિયા યૂઝર્સ પ્રશ્ન પૂછી રહ્યા છે કે, ડ્રાઇવર વિના આ કાર આપમેળે કેવી રીતે ચાલી રહી છે.

વાયરલ થયેલ વીડિયો તમિલનાડુનો છે પણ એના ચોક્કસ લોકેશન વિશે જાણકારી મળી નથી. પ્રીમીયર પદ્મિની કારના આ વીડીયોને ટૈગોર ચેરીન નામના એક ફેસબુક યૂઝર દ્વારા શેર કરવામાં આવ્યો હતો. ક્લિપની શરૂઆતમાં તો હાઇવે પર પ્રીમિયર પદ્મિની કાર આપમેળે ચાલતી જોવા મળી રહી છે. એક વ્યક્તિ સહ-ચાલકની સીટ પર બેઠેલો જોવાં મળે છે.

એને જોઈ એવું લાગઈ રહ્યું છે કે, જાણે સીટ પર ડ્રાઇવર ન હોવાને કારણે એને કોઈ ફેર પડતો નથી. માસ્ક પહેરેલ આ વ્યક્તિ કારમાં સાવ એકલો બેઠો છે. આ વીડિયોને પદ્મિની પાછળ જઈ રહેલ એક બીજાં કાર ચાલક દ્વારા ઉતારવામાં આવ્યો છે. જેમાં જોઈ શકાય છે કે, ડ્રાઇવર વિના જ આ કાર આસાનીથી હાઇવે પર દોડી રહી છે તથા હાઇવે પર લેન પર આસાનીથી બદલી રહી છે તથા ઓવરટેક પણ કરી રહી છે.