વરુણ ધવન પોતાની આ ગર્લફ્રેન્ડ સાથે કરવા જઈ રહયો છે આ વર્ષે લગ્ન- તમે ફોટો જોયા કે નહી?

હાલમાં બોલિવૂડ એક્ટર વરૂણ ધવન આ દિવસોમાં ગર્લફ્રેન્ડ નતાશા દલાલ સાથેના તેના લગ્નને લઈને જાહેરાત કરી રહ્યો છે. થોડા દિવસો પહેલા એવા સમાચાર આવ્યા હતા કે, વરૂણ ધવન અને નતાશાની સગાઈ થઇ ગઈ છે. આ વાત કરીના કપૂરના ચેટ શો ‘વોટ વુમન વોન્ટ’માં બહાર આવી હતી. તે જ સમયે, વરૂણ ધવને નતાશા સાથેના તેના લગ્ન અંગે ખુલાસો કર્યો છે. અભિનેતાએ ઘણી બાબતોમાં સંકેત આપ્યા છે કે, આ વર્ષે તે લગ્નમાં બંધાઈ શકે છે.

એક વેબસાઇટને આપેલા ઇન્ટરવ્યુમાં વરુણે કહ્યું કે, તે આ વર્ષે નતાશા સાથેના તેના સંબંધોને આગળ વધારશે. વરુણે કહ્યું, ‘દરેક જણ છેલ્લાં બે વર્ષથી મારા લગ્નની વાતો કરે છે. પરંતુ હજી સુધી કંઈ નિશ્ચિત નથી. અત્યારે દુનિયાભરમાં મૂંઝવણની સ્થિતિ છે. પરંતુ જો આ વર્ષે બધું સારી રીતે ચાલશે, તો અમે લગ્ન કરી શકીશું.

તમને જણાવી દઇએ કે, વરુણ ધવન ભૂતકાળમાં કરીનાના શોમાં મહેમાન તરીકે પહોંચ્યા હતા. આ દરમિયાન કરીનાએ નતાશાને વરૂણની મંગેતર તરીકે બોલાવી હતી. જેણે સ્પષ્ટ કર્યું કે, આ બંનેની સગાઈ થઈ હતી. આ દરમિયાન જ્યારે વરુણને તેના લગ્ન વિશે પૂછવામાં આવ્યું ત્યારે તેણે કહ્યું કે, તે લગ્ન કરવા માંગે છે અને તેના પરિવારના સભ્યો પણ તૈયાર છે.

નતાશા અને વરૂણ શાળાના દિવસોથી જ એક બીજાને ઓળખતા હતા. બંને ઘણાં વર્ષોથી એકબીજાને ડેટ કરી રહ્યા છે. અભિનેતાએ એક ઇન્ટરવ્યુમાં કહ્યું હતું કે, તે વર્ગ 6માં પહેલીવાર નતાશાને મળ્યો હતો. જે બાદ તે બંને સારા મિત્રો બની ગયા.