November 25, 2024
હાલમાં સુરત સહીતના ઘણા એવા શહેરો છે જેમાં બળાત્કારના કેસોમાં દિવસેને દિવસે વધારો થતો જાય છે. આ દરમિયાન ફરીવાર એક એવો કેસ સામે આવ્યો છે જેમાં આદિવાસી પરિવારની માસૂમ બાળકી દુષ્કર્મનો શિકાર બની હતી. મધરાત્રે માતા પાસે સૂતેલી સાત વર્ષીય બાળકીને ઉપાડી જઈને હવસખોરે દુષ્કર્મ આચર્યું હતું. પોલીસે ગણતરીના કલાકોમાં આ ગુનેગારને ઝડપી પાડ્યો હતો અને બાળકીનું તબીબી પરિક્ષણ કરાવ્યું હતું.
જૂના લાલગેટ ત્રણ રસ્તા પાસે ફૂટપાથ પર રહેતાં મૂળ અંકલેશ્વરના વતની મહિલા ભિક્ષા માગીને પોતાનું જીવન ગુજારે છે. તેમણે એક સાત વર્ષની દીકરી છે. ગઈ 15મી એ મધરાત્રે 3 વાગ્યે બાળકી માતા સાથે ફૂટપાથ પર સૂતેલી હતી. ત્યારે જમ્મુ પઠાણ નામનો એક યુવક બાળકીનું મોઢું દબાવી ઉપાડી ગયો હતો. અહીં નજીકમાં આવેલાં મેરેજ શોરૂમના ફૂટપાથ પાસે બાળકીને લઈ જઈ બળાત્કાર આચર્યો હતો. જોકે બાળકી ખુબ મહેનત બાદ નરાધમની પકડમાંથી છટકી જતાં માતા પાસે આવી ગઈ હતી.
આ દરમિયાન, જમ્મુ પઠાણ ભાગી ગયો હતો. બાળકીએ સમગ્ર હકીકત જણાવતાં માતાના પગતળેથી જમીન સરકી ગઈ હતી. આ અંગે માતાએ સ્થાનિક લોકો સાથે જમ્મુ પઠાણની શોધખોળ કરી હતી. જોકે તેની કોઈ જાણકારી ન થતા પોલીસ ફરિયાદ કરી હતી. પોલીસે સીસીટીવીના આધારે તપાસ શરૂ કરી ગણતરીના કલાકોમાં જમ્મુ પઠાણને પકડી પાડ્યો હતો.
Trending News
જમ્મુ પઠાણ રીઢો ગુનેગાર છે. આ ઉપરાંત તેની સામે મારપીટ ધાકધમકી સહિતના ગુનાઓ નોંધાઈ ચૂક્યા છે. અને પોલીસે તેને અગાઉ તડીપાર પણ કર્યો હતો. પોલીસ દ્વારા બાળકીનું તબીબી પરિક્ષણ પણ કરાવવામાં આવ્યું છે. અને વધુ તપાસ એસસીએસટી સેલના એસીપી આર કે ઝાલા ચલાવી રહ્યા છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews ગુગલ ન્યુઝમાં ફોલો કરો: http://bit.ly/TrishulNewsOnGoogle