સુશાંતસિંહ રાજપૂત સાથે ધોની ફિલ્મમાં અભિનય કરનાર અભીનેતાએ કરી લીધો આપઘાત- કારણ જાણીને દંગ રહી જશો

બોલીવુડમાં રાજીવ કપૂરના તાજેતરના નિધનથી ચાહકોને મોટો આંચકો મળ્યો હતો. તે જ સમયે, હવે સુશાંત સિંહ રાજપૂતની સહ-અભિનેતાના મૃત્યુના સમાચારથી બધાને આંચકો લાગ્યો છે. એમ.એસ. ધોની: ધ અનટોલ્ડ સ્ટોરીના અભિનેતા સંદિપ નાહરનું મોત નીપજ્યું છે. અહેવાલો મુજબ સંદીપ નાહરે કથિત રીતે મુંબઇના ગોરેગાંવ સ્થિત તેમના નિવાસ સ્થાને આત્મહત્યા કરી લીધી હતી. પોલીસે કેસ નોંધીને મામલાની તપાસ હાથ ધરી છે. આ દરમિયાન પોલીસને એક સ્યુસાઇડ નોટ પણ મળી છે.

જેમાં સંદીપે તેની પત્ની કંચન શર્મા પર ખૂબ ગંભીર આક્ષેપો કર્યા છે. સુસાઇડ નોટ મુજબ અભિનેતા તેની પત્નીને કારણે માનસિક રીતે પરેશાન હતો. અભિનેતાની પત્નીએ તેને વારંવાર આત્મહત્યા કરવાની ધમકી આપી હતી. જે સાંભળીને તે નારાજ થઈ ગયો અને તેણે આપઘાત કરવાનો નિર્ણય કર્યો.

આપઘાત પૂર્વે સંદીપ નાહરે એક ફેસબુક વીડિયો પોસ્ટ કર્યો હતો. જેમાં તેની પત્ની અને સંજોગોથી કંટાળીને આત્મહત્યા કરવાની ધમકી આપવામાં આવી હતી. સંદિપ નાહરે પોતાના 10 મિનિટના વીડિયોમાં કહ્યું છે કે, ‘મેં તમને ઘણી ફિલ્મોમાં જોયો હશે. એમ.એસ. ધોનીમાં હું છોટુ ભૈયા તરીકે જોવા મળ્યો હતો.

આજે, આ વિડિઓ બનાવવાનો હેતુ એ છે કે, મારા જીવનમાં ઘણી સમસ્યાઓ ચાલી રહી છે. હું માનસિક રીતે પરેશાન છું તેનું કારણ મારી પત્ની કંચન શર્મા છે. હું દોઢ વર્ષથી માનસિક આઘાતનો સામનો કરી રહ્યો છું. મેં ઘણી વાર મારી પત્નીને સમજાવવાનો પ્રયત્ન કર્યો છે. દરરોજ લડવું અને આત્મહત્યા કરવાની ધમકી આપવી. કંચન મને કહે છે કે તે મરી જશે અને મને ફસાવી દેશે.’