રાજકોટ: બેફામ કાર ચાલકે ફૂટપાથ પર બેઠેલા બે વ્યક્તિને કચડી નાખ્યા ‘ઓમ શાંતિ’

રાજકોટ(Rajkot): અકસ્માત (Accident)ની ઘટનાઓ ખુબ જ વધતી જાય છે. એવામાં રાજકોટ જિલ્લાના જેતપુર(Jetpur) ખાતે હિટ એન્ડ રન (Hit and run)નો બનાવ સામે આવ્યો છે. જેમાં બે લોકોને ગંભીર હાલતમાં હૉસ્પિટલમાં ખસેડવામાં આવ્યા છે. આ અકસ્માત જેતપુરના નકલંક આશ્રમ રોડ(Naklank Ashram Road) ખાતે સર્જાયો હતો. કાર ચાલક ફૂટ સ્પીડમાં કાર ચલાવી રહ્યો હોવાની માહિતી મળી છે. મળતી માહિતી અનુસાર, અકસ્માતનો ભોગ બનેલા નિખિલ દિનેશ ભાઈ ઘેલાણીનું સારવાર દરમિયાન મોત નીપજ્યું છે. જ્યારે અન્ય એક યુવાનને વધુ સારવાર માટે જૂનાગઢ(Junagadh) બાદ રાજકોટ ખસેડવામાં આવ્યો છે. હાલ પોલીસ દ્વારા કાર ચાલક યુવાનની ધરપકડ કરવામા આવી છે.

બે લોકો સારવાર માટે દાખલ: 
મળતી માહિતી મુજબ, પુરપાટ ઝડપે આવી રહેલી એક કારે જેતપુરના નકલંક આશ્રમ રોડ પર ફૂટપાથ પર બેઠેલા બે વ્યક્તિને કચડી નાખ્યા હતા. આ પહેલા કાર ચાલકે બે બાઇકને પણ ટક્કર મારી હતી, બાદમાં ફૂટપાથ પર બેઠેલા બે વ્યક્તિઓને કચડી નાખ્યા હતા. કારની સ્પીડ એટલી હતી કે અકસ્માત બાદ તે બાજુના ખેતરમાં પલટી મારી ગઈ હતી. ફૂટપાથ પર બેસેલા બે યુવાનોને ગંભીર ઈજાઓ થતા સારવાર માટે હોસ્પિટલ ખસેડવામાં આવ્યા હતા, જ્યાં સારવાર દરમિયાન એકનું મૃત્યુ નીપજ્યું છે. હાલ પોલીસે કાર ચાલકની ધરપકડ કરી આ અંગે વધુ તપાસ હાથ ધરી ચી.