જોત જોતામાં જ ડ્રાઈવર સહિત રોડમાં સમાઈ ગઈ કાર- જુઓ દિલધડક વિડીયો

રાજધાની દિલ્હીમાં સોમવારે સવારથી વરસાદના કારણે કેટલાક સ્થળોએ લોકોને મુશ્કેલી ઉભી થઈ હતી. દ્વારકામાં ગઈ કાલે સાંજે ખુબ જ ભારે વરસાદ પડવાને કારણે એક કાર ભૂવામાં સમાઈ ગઈ હતી. આ કારની અંદર એક વ્યક્તિ પણ હતો. મળતી માહિતી અનુસાર કાર ચલાવનાર વ્યક્તિ ઈજાગ્રસ્ત થયો નહોતો.

મળતી માહિતી મુજબ, સોમવારે સાંજે દિલ્હી પોલીસનો એક જવાન અશ્વની કુમાર તેની આઈ 10 કારમાં તેના મિત્રને મળવા જઇ રહ્યો હતો. જ્યારે તે દ્વારકાના ઈનક્રેડિબલ રોડ પર પહોંચ્યો ત્યારે અચાનક તેની કાર રસ્તાની અંદર સમાઈ ગઈ હતી. ઘટના દરમિયાન તે કારની અંદર પણ ફસાઈ ગયો હતો. આ અકસ્માતમાં અશ્વની કુમાર સંપૂર્ણ સલામત છે. અશ્વની કુમાર પટેલ નગર સેક્ટરમાં ફરજ બજાવી રહ્યા છે.

અચાનક જ રસ્તાની અંદર કાર સમાઈ જતા ભારે હોબાળો મચ્યો હતો. ત્યાં હાજર લોકોએ તાત્કાલિક પોલીસને જાણ કરી અને ત્યારબાદ કારને ક્રેનની મદદથી કારને બહાર કાઢવામાં આવી હતી. અકસ્માતનો બનાવ બનતા રસ્તા પર મોટી સંખ્યામાં લોકો ઉમટયા હતા.