બુટલેગરે દારૂની હેરાફેરી માટે એવો કીમ્યો અપનાવ્યો કે.., પોલીસ પણ માથું ખંજવાળતી રહી ગઈ

હાલ ગુજરાતના ઘણા રાજ્યોમાંથી દારૂના અડ્ડા પોલીસે પકડી પડ્યા છે. પોલીસે હાલ અમરેલી લોકલ ક્રાઈમ બ્રાંચની ટીમ લાઠી પંથકમાં પેટ્રોલીંગ કરી રહ્યા હતા. તે દરમિયાન અમરેલીના ટાવર રોડ પાસે મોદી શેરીના રહેવાસી યુશુફ બદરૂદ્દીનભાઇ હીરાણી પોતાની ટ્રાવેરા કારમાં ઈંગ્લીશ દારૂની બોટલ ચાવંડથી અમરેલી તરફ હેરાફેરી કરી રહ્યાની જાણ પોલીસને મળી હતી.

બાતમીના આધારે એલસીબીની ટીમે લાઠીથીઅમરેલી રોડ પર આવેલ હરસિધ્ધિ પેટ્રોલ પંપ પાસે નિગરાની કરી રહ્યા હતા. ત્યારે કારમાં ભારતીય બનાવટના ઈંગ્લીશ દારૂની 34 બોટલ સાથે બુટલેગરની ધડપકડ કરવામાં આવી હતો.

ભારતીય બનાવટની ઈંગ્લીશ દારૂની 34 બોટલ એટલે કે રૂપિયા 34,900નો માલ યુશુફ હીરાણી પાસેથી મળી આવ્યો હતો. એટલુ જ નહીં સાથે સાથે 1000ના બે મોબાઈલ ફોન અને 3 લાખની કાર મળી કુલ રૂપિયા 3,35,900નો માલ કબ્જે કર્યો હતો. લાઠી પોલીસ દારૂની હેરાફેરીમાં ઝડપાયેલા શખ્સની સામે ગુનો નોંધી કાયદેસરની કાર્યવાહી શરુ કરવામાં આવી હતી.