અ’વાદમાં મિત્રએ જ નોકરીથી ઘરે જતાં મિત્રને ઉપરાછાપરી છરીના ઘા ઝીંકી પતાવી દીધો, ચોધાર આસુંડે રડી પડ્યો પરિવાર…

અમદાવાદ(Ahmedabad): હત્યા (Murder)ની ઘટનાઓ ખુબ જ વધતી જણાઈ રહી છે. લોકોમાં જાણે કાનુનનો ડર જ ન રહ્યો એમ ધોળા દિવસે હત્યા થતી હોય છે. ત્યારે હાલ બાપુનગર પોલીસ સ્ટેશન (Bapunagar Police Station)ની હદમાં આવી જ વધુ એક ચકચારી ઘટના સામે આવી છે.

જેમાં અમદાવાદના બાપુનગર પોલીસ સ્ટેશનની હદમાં રૂપિયાની લેતીદેતીમાં મિત્રએ જ મિત્રને છરીના ઘા મારી મોતને ઘાટ ઉતાર્યો હોવાની ઘટના સામે આવી છે. ઘટનાની જાણ થતા જ પોલીસ કાફલો સ્થળ પર દોડી આવ્યો હતો અને આગળની કાર્યવાહી હાથ ધરી હતી. જોકે, આરોપી હત્યા કરીને ફરાર થઇ ગયો છે.

રૂપિયાની લેતીદેતીમાં યુવકની હત્યા:
જાણવા મળ્યું છે કે, વિજય પ્રતાપજી ઠાકોર બાપુનગરના ભીડભંજન ખાતે રહેતા હતા. તેઓની 500 રૂપિયાની લેતીદેતીમાં મિત્ર સાથે બોલાચાલી થઈ હતી. આ દરમિયાન તેઓ નોકરીથી ઘરે પરત આવી રહ્યા હતા. ત્યારે બાપુનગર પોલીસ સ્ટેશનની હદમાં આવેલા સરસપુર ચંદુલાલની ચાલી પાસે તેમના મિત્ર દ્વારા જ તેમની છરીના ઘા મારી હત્યા કરવામાં આવી હતી.