AAPના નેતાઓને અલ્પેશ કથીરિયા જામીન મુક્ત થતા લાગ્યા મરચા- જાણો કોના ઈશારે પાટીદાર નેતા વિરોધી આચર્યું જઘન્ય કૃત્ય

સુરત શહેરમાં આમ આદમી પાર્ટી મહાનગરપાલિકાની ચુંટણીમાં શાનદાર રીતે 27 સીટો જીતીને વિપક્ષ તરીકે બેઠી છે. વિપક્ષમાં આવ્યા બાદ આમ આદમી પાર્ટી ખુબ જ સક્રિય થઇ રહી છે અને ગામડે ગામડે જઈને જેમ બને તેમ વધુને વધુ લોકોને પોતાના તરફ ખેંચી રહી છે. આમ આદમી પાર્ટી આગામી ચુંટણીમાં સતાપરીવર્તન લાવે તો નવાઈ નહિ. દિવસેને દિવસે અસંખ્ય લોકો આમ આદમી પાર્ટીનો ખેસ ધારણ કરીને આમ આદમી પાર્ટીમાં જોડાઈ રહ્યા છે. ગામડે ગામડે જઈને આમ આદમી પાર્ટી દ્વારા જન સવાંદ યોજી રહ્યા છે અને હજારો લોકો આમ આદમી પાર્ટીમાં જોડાઈ રહ્યા છે.

ત્યારે હવે પાટીદાર અનામત આંદોલન સમિતિના નેતા એવા અલ્પેશ કથીરિયા એક કેસના ગુનામાં જેલમાં હતા. ત્યારે હવે તેમને આજે હાઈકોર્ટ દ્વારા જામીન આપવામાં આવ્યા છે. જેને લીધે પાટીદારોમાં ખુશીનો માહોલ છે. ત્યારે તે અંગેના ન્યુઝ ખુબ જ સોશિયલ મીડિયા ગ્રુપમાં વાયરલ થઇ રહ્યા છે. ત્યારે અલ્પેશ કથીરિયાને જામીન મળ્યાના ન્યુઝ આમ આદમી પાર્ટીના ગ્રુપમાં પણ શેર કરવામાં આવ્યા હતા. પરંતુ આમ આદમી પાર્ટીના અમુક નેતાઓને આ ન ગમતા જે વ્યક્તિને ગ્રુપમાંથી બહાર કાઢી નાખવામાં આવ્યો હતો. એટલું જ નહિ પરંતુ ગ્રુપનું નામ પણ બદલી નાખવામાં આવ્યું હતું.

ત્યારે પાટીદારો એક સવાલ ઉઠાવી રહ્યા છે કે, જે વ્યક્તિને લીધે સમગ્ર સુરત શહેરમાં 27 સીટ આવી અને તે જ અલ્પેશ કથીરિયાના ન્યુઝને ગ્રુપમાં મોકલવામાં આવે અને તેમને ગ્રુપમાંથી બરતરફ કરવામાં આવે તે કેટલું યોગ્ય? ચુંટણી સમયે આમ આદમી પાર્ટીને ટેકો જાહેર કરનાર પાટીદાર સમાજ કહી રહ્યો છે કે જો અમારા નેતા અલ્પેશ કથીરિયા  અંગેના ન્યુઝ આમ આદમી પાર્ટીના ગ્રુપમાં મોકલવામાં આવે તો તેમને ગ્રુપમાંથી જ બહાર કાઢી નાખવામાં આવે છે તો આ પ્રકારનું વર્તન કેટલું યોગ્ય કહી શકાય.