ખેડૂતોના સમર્થનમાં ABP ના પત્રકારે છોડી નોકરી- બોલ્યા લાત મારું છું એવી નોકરીને જ્યાં સત્ય નથી બતાવવામાં આવતું

ગયાં વર્ષથી ચાલી રહેલા ખેડૂત આંદોલનને બદનામ કરવા મીડિયા દ્વારા અનેક પ્રયાસો કરવામાં આવી રહ્યા છે. તે જ સમયે થોડીક ન્યૂઝ ચેનલો છે જે લોકોમાં સત્ય બતાવી રહ્યા છે. આ દરમિયાન એવા સમાચાર સામે આવ્યા છે કે, એબીપી ન્યૂઝ ચેનલના સિનિયર રિપોર્ટર રક્ષિત સિંહે નોકરી છોડી દેવાની જાહેરાત કરી છે.

ઓલ્ટ ન્યૂઝના સહ-સ્થાપક મોહમ્મદ ઝુબૈરે તેના ટ્વિટર પર તેની સાથે જોડાયેલી એક વિડિઓ શેર કરી છે. તેમણે લખ્યું છે કે, મેરઠની કિસાન મહાપંચાયતમાં પહોંચેલા એબીપી ન્યુઝના વરિષ્ઠ અહેવાલ રક્ષિત સિંહે નોકરીને મહાપંચાયતના સ્ટેજ પર ચઢીને છોડી દીધી હતી. તેઓએ આરોપ લગાવ્યો હતો કે, ન્યૂઝ ચેનલ સાચા સમાચાર નથી બતાવતી.

આ ખેડૂત મહાપંચાયત દરમિયાન તેમણે કહ્યું હતું કે, મારા માતાપિતાએ મને પરસેવો પાડીને કમીને ભણાવી-ગણાવીને સક્ષમ બનાવ્યા, જેથી હું આ વ્યવસાય પસંદ કરી શકું. મેં આ વ્યવસાય પસંદ કર્યો કારણ કે, મારે સત્ય બતાવવું હતું. પરંતુ અમને ન્યૂઝ ચેનલ દ્વારા સત્ય બતાવવાની મંજૂરી નથી. આજે હું આ કામને લાત મારૂ છું.

મે આ ફિલ્ડમાં વર્ષોથી કામ કર્યું છે. આજ સુધી કોઈ પણ મારા પર કોઈ પણ પ્રકારનો આક્ષેપ કરી શકે નહીં. આ દરમિયાન તેમણે કહ્યું કે, આજની તારીખે મને એક વર્ષ માટે 12 લાખ રૂપિયાનું પેકેજ આપવામાં આવ્યું છે. મારા પિતાજીના મૃત્યુને 10-12 વર્ષ થયા છે. ઘરે પત્ની બાળકો અને વૃદ્ધ માતા છે જે મારી જવાબદારી છે.