ચીખલી નજીક સર્જાયો દર્દનાક અકસ્માત, કન્ટેનરમાં ઈનોવા ઘુસી જતા 4 લોકોના કરુણ મોત- ‘ઓમ શાંતિ’

નવસારી(Navsari): ચીખલી નજીક ગમખ્વાર અકસ્માત(Chikhli accident) સર્જાયો હોવાના સમાચાર સામે આવી રહ્યા છે. આલીપોર બ્રિજ(Alipore Bridge) ઉપર કન્ટેનર અને ઈનોવા કાર વચ્ચે ધડાકાભેર અકસ્માત સર્જાયો છે. ગોઝારા અકસ્માતમાં ઈનોવા કારમાં સવાર 4 લોકોના ઘટના સ્થળે જ કમકમાટી ભર્યા મોત(4 people died) થયા છે.

પ્રાપ્ત માહિતી અનુસાર, બે લોકોને ગંભીર ઈજા થતા સુરતની હોસ્પિટલમાં દાખલ કરવામાં આવ્યા છે. અકસ્માતની જાણ થતાં નવસારી ડીવાયએસપી સહિત પોલીસનો સ્ટાફ ઘટના સ્થળે દોડી આવ્યો હતો. હાલમાં તો આ સમગ્ર અકસ્માત અંગેની ઘટનાને લઈને ચીખલી પોલીસ દ્વારા વધુ તપાસ હાથ ધરવામાં આવી છે. અકસ્માતનાં પગલે હાઇવે પર ટ્રાફિક જામના દ્રશ્યો સર્જાયા હતા.