IPLમાં જોરદાર પ્રદર્શન કરનાર ભાવનગરના ચેતન સાકરીયાએ કહ્યું હું આ હિરોઈન સાથે જવા માંગુ છું ડેટ પર

આઈપીએલ 2021 માં રાજસ્થાન રોયલ્સ તરફથી રમતા ગુજરાતના ભાવનગરના વાતની ડાબોડી ઝડપી બોલર ચેતન સાકરીયાએ બોલિવૂડ અભિનેત્રી અનન્યા પાંડે સાથે ડેટ પર જવા માટેની ઇચ્છા વ્યક્ત કરી છે. સાકરિયાએ ગયા સોમવારે આઈપીએલની શરૂઆત કરી હતી. તેણે પંજાબ કિંગ્સ સામેની ડેબ્યૂ મેચમાં કુલ ત્રણ વિકેટ સાથે ખુબ સારું પ્રદર્શન કર્યું હતું.

ડેબ્યુ આઈપીએલ મેચમાં સાકરિયાએ 31 રન આપીને 3 વિકેટ લીધી હતી.
મુંબઈના વાનખેડે સ્ટેડિયમ ખાતે રમાયેલી મેચમાં સાકરિયાએ પોતાની ચાર ઓવરમાં પંજાબના ચાર ખેલાડીઓને ૩૧ રન આપી પેવેલિયનનો રસ્તો બતાવ્યો હતો. રાજસ્થાનએ ચેતન સાકરિયાને આઈપીએલની હરાજીમાં એક કરોડ 20 લાખમાં ખરીદ્યા હતા.

રાજસ્થાન રોયલ્સની ફ્રેન્ચાઇઝીએ બુધવારે તેના ઓફિશિયલ ટ્વિટર હેન્ડલ પર એક વીડિયો અપલોડ કર્યો જેમાં ટીમના ઝડપી બોલર આકાશ સિંહ અને ચેતન સાકરીયા મનોરંજક રીતે એક બીજાનો ઇન્ટરવ્યૂ લેતા જોવા મળે છે.

સાકરીયાનો રોલ મોડેલ યુવરાજ સિંહ છે
વીડિયોમાં ચેતન જાહેર કરે છે કે યુવરાજ સિંહ તેમનો રોલમોડેલ છે. ચેતનએ કહ્યું કે બાળપણમાં તેને સૌથી વધુ સિક્સર મારનાર ખેલાડી તરીકે યુવરાજને પસંદ કરતા હતા. તેથી તેને પણ યુવીની બેટિંગ ગમે છે. સૌરાષ્ટ્ર તરફથી ઘરેલું ક્રિકેટ રમતા સાકરીયાએ કહ્યું કે તેણે પોતાની કારકિર્દીમાં બેટ્સમેન તરીકે ક્રિકેટ રમવાનું શરૂ કર્યું હતું.