સુરત મનપાની દાદાગીરી: વેકસીન નહિ લો તો દંડ ભરો, જાણો ક્યાંથી શરૂ કરી ‘પઠાણી’ વસૂલી

હાલમાં સમગ્ર રાજ્યની સાથે-સાથે જ સુરતમાં પણ કોરોના સંક્રમણમાં સતત વધારો થઈ રહ્યો છે ત્યારે SMC એ પોતાના નિયમ-કાયદા લોકો પર થોપી રહી છે. હાલમાં જયારે સમગ્ર દેશમાં વેક્સિનને લઈ જાગૃતિ અભિયાન ચલાવી રહ્યા છીએ પણ સુરત મનપા જાગૃતિ અભિયાનની સાથે-સાથે દાદાગીરી પણ કરી રહી છે. સુરત મનપા લોકો પર બળજબરીથી વેક્સિન લગાવવાનું દબાણ કરવામાં આવી રહ્યું છે તેમજ વેક્સિન ન લેનારા પાસેથી 1,000નો દંડ પણ વસૂલવામાં આવી રહ્યો છે.

વેક્સિન ન લીધી એટલે દંડ ફટકાર્યોઃ મનપાના કર્મચારી
શહેરના અડાજણ વિસ્તારમાં દિલીપ દુબે પાનની દુકાન ચલાવે છે. તેમની ઉંમર 45થી વધુ છે. 2 એપ્રિલનાં રોજ મનપાના કેટલાક કર્મચારીઓ તેમની દુકાને આવીને તેમની દુકાનમાં હાજર પંકજ દુબેને 1,000 રૂપિયાના દંડની રસીદ પકડાવી દીધી હતી.

આ અંગે પંકજ દુબેએ પ્રશ્ન કરતાં તેમને કહેવાયું હતું કે, દિલીપ દુબેએ હજુ સુધી વેક્સિન ન લેતાં આ દંડ ફટકારવામાં આવ્યો છે.’ દિલીપ દુબેને આ વાતની જાણ થતાં તેઓ પણ આશ્ચર્યમાં મુકાઈ ગયા હતાં. અહીં ઉલ્લેખનીય છે કે, સરકારી આદેશ મુજબ 1 એપ્રિલથી 45થી વધારે ઉંમરના તમામ લોકોને વેક્સિન આપવામાં આવી રહી છે.

વેક્સિન માટે દંડ ન વસૂલી શકીએ:
45થી વધુ ઉંમર ધરાવતાં લોકો વેક્સિન ન લે તો દંડની કોઈ જોગવાઈ કરવામાં આવી નથી. આ રીતે મનપા દંડના વસૂલી શકે. આવો કોઈ આદેશ કેન્દ્ર અથવા તો રાજ્ય સરકાર દ્વારા કરવામાં આવ્યો નથી. અડાજણની આ ઘટનાની તપાસ કરીશું આવું ડૉ. આશિષ નાયક એટલે કે, સુરત મનપાનાં આરોગ્ય કમિશનરએ કહ્યું હતું.