અદાણી વિદ્યામંદિરને ન્યૂયોર્કમાં UNO ની સામાન્ય સભામાં મળ્યો ગ્રીન સ્કૂલ એવોર્ડ

અમદાવાદ સ્થિત અદાણી વિદ્યામંદિરે (Adani Vidyamandir) પર્યાવરણ જાગૃતિ શિક્ષણ પ્રત્યેના અભિગમ માટે આંતરરાષ્ટ્રીય માન્યતા પ્રાપ્ત કરી છે. (AVMA) શાળાએ 7મી NYC ગ્રીન સ્કૂલ કોન્ફરન્સમાં પ્રતિષ્ઠિત ગ્રીન સ્કૂલ એવોર્ડ (Green School Award) જીતી નોંધપાત્ર સિદ્ધિ હાંસલ કરી છે. ન્યુયોર્કમાં સંયુક્ત રાષ્ટ્રસંઘની જનરલ એસેમ્બલી (UNGA) ના 78મા સત્રમાં મળેલ આ સન્માન ભારતના ટકાઉ શિક્ષણ પ્રત્યેના સમર્પણ અને પર્યાવરણીય મુદ્દાઓને આવરી લેતા સક્રિય વલણને પ્રકાશિત કરે છે.

અદાણી વિદ્યામંદિર (AVMA) એ શિક્ષણ ખર્ચને ઘટાડવા અસંખ્ય પહેલો શરૂ કરી છે. જેનાથી વિદ્યાર્થીઓ અને તેમના પરિવારોને નોંધપાત્ર લાભો મળ્યા છે. બચતના આ પગલાંઓ પરિવારોને સક્ષમ બનાવે છે જેનો બાદમાં ઉચ્ચ શિક્ષણ કે કારકિર્દીના ઘડતરમાં ઉપયોગ કરી શકાય છે. આખરે તે સમુદાયોમાં નોંધપાત્ર હકારાત્મક પરિવર્તનને પ્રોત્સાહન આપે છે.

AVMA તેની અભ્યાસક્રમ-સંકલિત વૃક્ષારોપણ પ્રવૃત્તિઓ દ્વારા જૈવવિવિધતા પર મજબૂત ભાર મૂકતા છે.  પરંપરાગત શૈક્ષણિક અભિગમોથી આગળ વધી વિદ્યાર્થીઓમાં પૃથ્વી પ્રત્યેની જવાબદારીઓની ઊંડી સમજ આપે છે.

NYC ગ્રીન સ્કૂલ કોન્ફરન્સમાં મળેલા સન્માનમાં વાઇબ્રન્ટ ઇકો-ક્લબ્સ અને કાર્યક્રમો વિદ્યાર્થીઓને વૃક્ષારોપણ, વેસ્ટ મેનેજમેન્ટ, પર્યાવરણીય જાગૃતિ, ટકાઉ તકનીકો, આબોહવા પરિવર્તન અને ઇકોલોજીકલ સંરક્ષણ પર વિદ્યાર્થીઓને શિક્ષણ, ઈકો ક્લબ, FSCIની માન્યતા અને ખાદ્ય સુરક્ષા સમિતિ વગેરેનો સમાવેશ થાય છે. શાળા તેના કેમ્પસને ઇકો-ફ્રેન્ડલી ઓએસિસમાં રૂપાંતરિત કરે છે, જેમાં સૌર ઊર્જા, વરસાદી પાણીનો સંગ્રહ અને કચરો વ્યવસ્થાપનનો સમાવેશ થાય છે. AVMA વરસાદી પાણીના સંગ્રહ અને કાર્યક્ષમ કચરાના વ્યવસ્થાપનનો ઉપયોગ પાણીના સંરક્ષણ અને લેન્ડફિલ અસર ઘટાડવા અને લીલા બગીચાઓ અને જૈવવિવિધતાના સંરક્ષણ માટે કરે છે.