શ્રદ્ધા હત્યા કેસમાં થયો સૌથી મોટો ઘટસ્ફોટ, 2 વર્ષ પહેલા આ જ દિવસે…- મોત પહેલાનો પત્ર થયો વાયરલ

Shraddha Murder Case: દિલ્હીના મહેરૌલીમાં તેની લિવ-ઈન-પાર્ટનર શ્રદ્ધા વાલકરની હત્યા કરીને તેના મૃતદેહના ટુકડા કરનાર આરોપી આફતાબ પૂનાવાલા(Aftab Poonawalla) વિશે વધુ એક મોટો ખુલાસો થયો છે. શ્રદ્ધા વાલકરની હત્યા કરતા પહેલા પણ આફતાબે તેની નાપાક યોજના તેની સામે વ્યક્ત કરી હતી. 2020માં જ શ્રદ્ધાએ તેના પાર્ટનર આફતાબ વિરુદ્ધ લેખિત ફરિયાદ કરી હતી. પોલીસમાં નોંધાવેલી ફરિયાદમાં શ્રદ્ધાએ આરોપ લગાવ્યો હતો કે આફતાબે તેના ટુકડા કરવાની ધમકી આપી હતી અને ખૂબ માર માર્યો હતો.

પત્રમાં આફતાબના માતા-પિતાનો પણ ઉલ્લેખ છે:
આ પત્ર વાંચીને લાગે છે કે શ્રદ્ધા સારી રીતે જાણતી હતી કે આફતાબ તેની સાથે શું કરી શકે છે, તે કેટલી ડરી ગઈ હતી. આટલું જ નહીં, આ પત્રમાં આફતાબના માતા-પિતાને પણ પૂછવામાં આવ્યું છે કે તેઓ બધું જ જાણતા હતા. પત્રમાં લખવામાં આવ્યું છે કે, “મેં શ્રદ્ધા વિકાસ વાલકરે આફતાબ સામે ફરિયાદ કરી છે કે તે મારી સાથે ગેરવર્તન કરે છે, મારપીટ કરે છે. આજે તેણે મારો જીવ લેવાનો પ્રયાસ કર્યો. મારું ગળું દબાવવાનો પ્રયાસ કર્યો, તેણે મને ધમકી આપી અને બ્લેકમેલ કરી.” તે મને મારી નાખશે અને મારા ટુકડા કરી દેશે અને દૂર ક્યાંક ફેંકી દેશે.

મારી નાખવાની ધમકી આપી:
શ્રદ્ધાએ ફરિયાદ કરી હતી કે, આફતાબ છેલ્લા 6 મહિનાથી તેની સાથે મારપીટ કરી રહ્યો છે, પરંતુ તેણે મને જાનથી મારી નાખવાની ધમકી આપી હોવાથી મારામાં પોલીસમાં જવાની હિંમત નથી. શ્રદ્ધાએ ફરિયાદમાં એમ પણ લખ્યું હતું કે આફતાબના માતા-પિતાને પણ ખબર હતી કે તે મને મારતો હતો અને મારી નાખવાની કોશિશ કરતો હતો. શ્રદ્ધાએ પત્રમાં એમ પણ કહ્યું છે કે આફતાબના માતા-પિતાને ખબર છે કે અમે બંને સાથે રહીએ છીએ અને તેઓ વીકએન્ડ પર પણ આવે છે. ફરિયાદ પત્રમાં શ્રદ્ધાએ લખ્યું છે કે તે હજુ પણ આફતાબ સાથે રહે છે.