શાહપોરની યુવતી સાથે દુષ્કર્મ આચરી, સુરતના યુવાને કર્યું એવું કૃત્ય કે…

શાહપોર ખાતે રહેતી સગીરાને યુવકે લગ્નની લાલચ આપી શારીરિક શોષણ કરી તેને છોડી દીધી હતી. તેનું અન્ય યુવતી સાથે અફેર હોવાની શંકા કરતા યુવકે આવેશમાં આવી સગાઈ તોડી નાંખતાં સમગ્ર મામલો પોલીસ સ્ટેશનમાં પહોંચ્યો હતો.

પોલીસ પાસેથી મળતી માહિતી પ્રમાણે શાહપોર ખાતે રહેતી ૧૭ વર્ષીય સગીરા એ જૈમીન ઉર્ફે મોહમ્મદ અરહાન શેખ સાથે મુસ્લિમ રીતિરિવાજ મુજબ સગાઈ કરી હતી. સગાઈના બીજા દિવસે જૈમીન સગીરાને પોતાના વેસુમાં આવેલા મકાનમાં લઈ જાય બળજબરીપૂર્વક કુકર્મ આચર્યું હતું. ત્યારબાદ ફરવાના બહાને વેસુ અને રાંદેર સ્થિત મકાને લઈ જઈ વારંવાર દુષ્કર્મ આચરતો રહ્યો ત્યાર બાદ સગીરાને ધ્યાનમાં આવ્યું હતું કે જૈમીન અન્ય છોકરીઓ સાથે પણ ફોનમાં વાતચીત કરે છે.

ઘરે આવી સગીરાએ જૈમીનનું અન્ય છોકરીઓ સાથે લફરું હોવાની વાત કરી હતી, જેથી જૈમીનને ઘરે બોલાવી અફેર અંગે પુછાતા જૈમીન ઉશ્કેરાઈ ગયો હતો અને ઝઘડો ચાલુ કર્યો હતો અને બાદમાં લગ્ન નથી કરવા એમ કહી સગાઈ તોડી નાખી હતી.

ત્યારબાદ તે વડોદરા ખાતે માતા-પિતાના ઘરે રહેવા માટે ચાલ્યો ગયો હતો. ત્યારબાદ વારંવાર ફોન કર્યા તો લગ્ન ન કરવાનું જ કહેતો રહ્યો, જેથી લગ્નની લાલચે શારીરિક શોષણ કરી તરછોડી દેનાર જૈમીન સામે ગુનો નોંધી પોલીસે તેની અટકાયત કરી હતી. જમીને હિન્દુમાંથી મુસ્લિમ ધર્મ અંગીકાર કર્યો હતો. તે વડોદરા ખાતે નોકરી કરે છે. આ સમગ્ર ઘટનાની ઊંડાણપૂર્વક તપાસ પીઆઈ ભરવાડ કરી રહ્યા છે.