અમદાવાદમાં કોંગ્રેસી ધારાસભ્યની કારે એક વ્યક્તિને અડફેટે લેતા મોત નીપજ્યું

પોલીસના કહેવા મુજબ સોમવારે અમદાવાદ શહેરમાં ગુજરાત કોંગ્રેસના ધારાસભ્ય શૈલેષ પરમારની કાર સાથે એક સ્કૂટર અથડાતા 47 વર્ષના એક વ્યક્તિનું મૃત્યુ થયું છે. જે ઘટના બાદ મૃતકના પરિવારે એવો આક્ષેપ પણ લગાવ્યા છે કે તે કાર કોઈ ડ્રાઈવર નહિં પરંતુ શૈલેષ પરમારનો દિકરો ખુદ ચલાવી રહ્યો હતો જેથી પોલીસ તપાસમાં ઘણુ મોટુ રહસ્ય દબાવવાનો પ્રયત્ન કરી રહી છે.

ગુજરાતના કૉંગ્રેસના ધારાસભ્ય શૈલેશ પરમારની ઇનોવા કાર દ્વારા કરવામાં આવેલા એક હિટ ઍન્ડ રન કેસમાં અમદાવાદના મેમનગર વિસ્તારમાં 47 વર્ષીય પ્રફુલ્લ પટેલનું મૃત્યુ થયું છે. પ્રફુલ્લ સોમવારે સાંજે પોણા સાત વાગ્યે સ્કૂટર લઈને મેમનગર વિવેકાનંદનગર ચોક પાસેથી પસાર થઈ રહ્યા હતા. પોલીસના જણાવ્યા મુજબ તે જ સમયે એક ઇનોવા કાર (GJ01RX9972)કે જે દાણીલીમડા વિધાન સભાના ધારાસભ્ય શૈલેષ પરમારની છે, તે કારથી ટક્કર મારવામાં આવી હતી. જેથી આ અક્સ્મતમાં તેમના માથાના ભાગે ગંભીર ઈજાઓ થતાં તેમને તાત્કાલિક હોસ્પિટલ ખસેડવામાં આવ્યા હતા, જ્યાં તેમનું સારવાર દરમ્યાન મોત થયું.

ઘટના થયાના બીજા દિવસે એટલે કે 48 કલાક બાદ બપોરે અંદાજે ચાર વાગ્યે શૈલેશ પરમારના ડ્રાઇવરને પોલીસ સમક્ષ હાજર કરવામાં આવ્યો હતો અને અકસ્માતનો ગુનો તેણે કબૂલ્યો હતો. પોલીસના જણાવ્યા પ્રમાણે CCTV કેમેરાની તપાસ કર્યા બાદ જાણવા મળ્યું છે કે કાર દાણીલીમડા વિધાનસભાના ધારાસભ્ય શૈલેષ પરમારની હતી અને ઘટના સમયે ડ્રાઈવર દેવેન્દ્ર ભાવસાર એકલો જ વાહનમાં હતો.