November 14, 2024
સાબરમતીનું દૃશ્યઃ
કોર્પોરેશન મહાત્મા ગાંધીની 150મી જન્મ જયંતિ પહેલા સાબરમતીને સ્વચ્છ બનાવવા માટે ભલે આસમાન જમીન એક કરી રહી હોય પરંતુ શાસ્ત્રી બ્રિજ પરથી નીચે ડોકિયુ કરશો તો હચમચી જવાય તેવું દૃશ્ય જોવા મળશે. ગુજરાત પોલ્યુશન કંટ્રોલ બોર્ડ (GPCB) અને GIDC સાબરમતીને સ્વચ્છ રાખવા પ્રત્યે કેટલા ઉદાસીન છે તેનો પુરાવો અહીં મળી જશે. ઝેરી રસાયણોને નદીના પાણીમાં ભળતા રોકવા તેમણે કશું જ કર્યું નથી. પ્રદૂષિત સાબરમતી લગભગ શાસ્ત્રી બ્રિજ પાસે સૂકાઈ જાય છે, ત્યાં 43 જેટલા ગામના ખેડૂતો આ પ્રદૂષિત પાણીનો ઉપયોગ પોતાના ખેતરમાં ખેતી માટે કરે છે.
Trending News
પર્યાવરણ દિને શરૂ થશે ડ્રાઈવઃ
અમદાવાદ મ્યુનિસિપલ કોર્પોરેશને 5 જૂન અને ત્યાર પછી સાબરમતીને સ્વચ્છ કરવા માટે શહેરીજનોને જોડાવા આમંત્રણ આપ્યું છે. આ ડ્રાઈવમાં કોર્પોરેશન અને અમદાવાદીઓ મળીને સાબરમતીના તટ પર દાયકાઓથી પડેલા પ્લાસ્ટિકના કચરા, પ્લાસ્ટર ઑફ પેરિસની પ્રતિમાઓ, ધાતુની ચીજો વગેરે ઉપાડવામાં આવશે.
10000 સ્વયંસેવકો જોડાવાની આશાઃ
મ્યુનિસિપલ કમિશનર વિજય નહેરાએ જણાવ્યું, “જૂન 5થી કમસેકમ પાંચ દિવસ સુધી 10,000 જેટલા સ્વયંસેવકો નદી સ્વચ્છ કરવા જોડાય તેવી શક્યતા” તેમણે દાવો કર્યો કે અગાઉ દરરોજ 183 મિલિયન લિટર જેટલો ગટરનો કચરો ટ્રીટ કર્યા વિના સાબરમતીમાં ઠલવાતો હતો. હવે તે ઘટાડીને 8 MLD જેટલો કરી દેવાયો છે. આગામી ચાર મહિનામાં ગટરનું પાણી ડાઈવર્ટ કરી દેવાશે. સુએજને ડાયવર્ટ કર્યા બાદ પણ ઉદ્યોગો દ્વારા ટ્રીટ કર્યા વિના નદીમાં ઠલવાતુ એફ્લુઅન્ટ એક મોટી સમસ્યા છે.
જોઈન્ટ ઈન્વેસ્ટિગેશન હાથ ધરાયુંઃ
12 માર્ચના રોજ સુપ્રીમ કોર્ટના આદેશ પર એક જોઈન્ટ ઈન્વેસ્ટિગેશન હાથ ધરવામાં આવ્યું હતું. તેમાં સાબરમતી નદીમાં ઉદ્યોગના એફ્લુઅન્ટ્સ અને ગટરનું પાણી કેટલું ઠલવાય છે તેનું સ્ટેટસ ચેક કરવામાં આવ્યું હતું. આ તપાસ રિજનલ ઑફિસર તુષાર શાહ અને જીપીસીબીના નેહલ અજમેરા, પર્યાવરણ ચળવળકાર રોહિત પ્રજાપતિ અને પર્યાવરણ સુરક્ષા સમિતિના કૃષ્ણકાંત દ્વારા હાથ ધરાયું હતું. તેમાં સોશિયલ એક્ટિવિસ્ટ મુદિતા વિદ્રોહી અને હાઈકોર્ટના વકીલ સુબોધ પરમાર જોડાયા હતા.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
તમે અમને વૉટસએપ, ટેલિગ્રામ, ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.