સરકારી હોસ્પિટલના ડોકટરે દર્દીને માર્યો ઢોર માર, વિડીયો થયો વાયરલ

ડોકટરોનું કામ દર્દીને બચવાનું અને તેની શારવાર કરવાનું છે, પરંતુ આ ઘટના સામે આવતા તમે ચોંકી જશો. જયપુરમાં આવેલી આ હોસ્પીટલમાં આવો કેસ બન્યો હતો. આ ડોકટરે તેની હોસ્પીતામાં આવે દર્દીને બેડ પર ચડીને ઢોર માર્યો હતો, તેનો વિડીઓ અને ફોટા વાઈરલ થયો છે.

જયપુર સ્થિત રાજસ્થાનની સૌથી મોટી સરકારી હોસ્પિટલના એક ડૉક્ટરે બેડ પર ચઢીને દર્દીને માર માર્યો હતો. ડૉક્ટરે દર્દીને એટલી ખરાબ રીતે માર માર્યો હતો કે તેના મોઢામાંથી લોહી નીકળવા માંડ્યું હતું. ડૉક્ટરે સમાધાન કરાવવા આવેલા દર્દીના પરિવારજનને પણ તમાચો માર્યો હતો. આ મામલો સવાઈ માનસિંહ હોસ્પિટલનો છે.

રિપોર્ટ અનુસાર, 1 જુનના રોજ હોસ્પિટલના 1-C વોર્ડમાં ભરતી દર્દી રમેશે રેસિડન્ટ ડૉક્ટર સુનીલને પહેલા ચેકઅપ માટે આગ્રહ કર્યો હતો. તેણે કહ્યું હતું કે, મારી તબિયત વધુ બગડી રહી છે, પહેલા મને ચેક કરી લો. આ વાત પર ગુસ્સે થયેલા ડૉ. સુનીલે લાઈનસર જ દર્દીઓને તપાસવાની વાત કરી તો બંને વચ્ચે બોલાચાલી થઈ હતી. દરમિયાન વિવાદ વધ્યો તો ગુસ્સામાં આવેલા ડૉ. સુનીલે દર્દી રમેશને બેડ પર ચઢીને માર માર્યો હતો.