અમદાવાદમાં પરિણીતાના અર્ધનગ્ન ફોટા મોકલી યુવક કરતો હતો બીભત્સ માંગણીઓ, મહિલાએ કર્યો આપઘાત

આજકાલ આત્મહત્યાના કિસ્સામાં સતત વધી રહ્યા છે. ત્યારે આવો જ એક કિસ્સો હાલ અમદાવાદમાંથી સામે આવ્યો છે. જેમાં એક ડોક્ટરની પત્નીએ પંખે લટકીને આપઘાત કરી લીધો હતો. પાલીતાણાનો એક યુવક તેના મોબાઇલમાં અર્ધનગ્ન ફોટોગ્રાફ્સ મોકલીને વોટ્સએપ કોલ અને વિડીયો કોલ કરતો હોવાનો ચોંકાવનારો કિસ્સો સામે આવ્યો છે. જેથી ડોક્ટરની પત્નિ દ્વારા યુવકની બીભત્સ માંગણીઓથી કંટાળીને ગળેફાંસો ખાઇને આત્મહત્યા કરવામાં આવી છે. જે બાબતે સરખેજ પોલીસ દ્વારા ગુનો નોંધી તપાસ શરૂ કરવામાં આવી છે.

મળતી માહિતી મુજબ, ભાવનગર જીલ્લાના પાલીતાણા ખાતે રહેતા એક યુવક દ્વારા સરખેજ પોલીસ સ્ટેશનમાં પાલીતાણાના ઇરફાન મેતર વિરુદ્ધ આત્મહત્યાની દુષપ્રરણાની ફરિયાદ કરવામાં આવી છે. યુવકની બહેનના સાત વર્ષ પહેલા એક ડોક્ટર સાથે લગ્ન થયા હતા અને બન્ને જણા પાલીતાણામાં રહેતા હતા. જ્યા તેણે બે દીકરાને જન્મ આપ્યો હતો.

પાલીતાણામાં રહ્યા બાદ દંપતી બે દીકરા સાથે અમદાવાદના જુહાપુરા ખાતે રહેવા આવી ગયા હતા. યુવતીના પતિએ નવરંગપુરા ખાતે પોતાનું ક્લિનિક ખોલ્યું હતું. જ્યા તેઓ સમયસર હાજર રહેતા હતા. પરિવારનું જીવન સુખમય રીતે પસાર થતુ હતુ. આ દરમ્યાન જ પાલીતાણાના ઇરફાન મેતર નામના યુવકે આખા પરિવારને વેરવિખેર કરી નાખ્યુ હતું.

મળતી માહિતી મુજબ, તારીખ 2 જુનના રોજ ડોક્ટર પોતાના ક્લિનીક પર ગયા હતા ત્યારે યુવતીએ પોતાના બેડરૂમમાં ગળે ફાંસો લગાવીને આત્મહત્યા કરી લીધી હતી. સાંજે જયારે ડોક્ટર ઘરે પહોચ્યા ત્યારે ઘરનો દરવાજો મોટા દીકરાએ ખોલ્યો હતો અને મમ્મી ક્યા છે તેમ પુછ્યુ હતું. પિતાની વાત સાંભળતા દીકરાએ જવાબ આપ્યો કે, મમ્મી અંદરના રૂમમાં છે અને અંદરથી દરવાજો ખોલતી નથી.