અમદાવાદમાં અડધી રાત્રે 3 માળનું કોમ્પ્લેક્ષ ધરાશાયી- જાણો કેટલાના થયા મોત

અમદાવાદ શહેરમાં આવેલા કુબેરનગર વિસ્તારમાં આવેલા A-વોર્ડ રેલવે ફાટક પાસે આવેલી પ્રેમ બિલ્ડિંગનું ત્રણ માળનું કોમર્શિયલ કોમ્પ્લેક્ષ પડી ગયું હતું. અડધી રાત્રે બિલ્ડિંગ ધરાશાયી થયું એ સમયે ત્રણ યુવકો અંદર કામ કરતા હતા, જેમાંથી એક યુવકનું મૃત્યુ થયું છે, જ્યારે અન્ય બે લોકોને સારવાર અર્થે પાસેની હોસ્પિટલમાં દાખલ કરવામાં આવ્યા છે.

ત્રણ યુવકો અંદર કામ કરી રહ્યા હતા
આ કોમર્શિયલ બિલ્ડિંગમાં ત્રણ યુવકો સિલાઇ કામ કરતા હતા. એ સમયે ધડાકાભેર બિલ્ડિંગ પડી ગયું હતું. બિલ્ડિંગ પડવાનો અવાજ સંભળાતા આસપાસના રહીશો ઘટના સ્થળે દોડી આવ્યા હતા, સ્થળ પર પહોંચેલા સ્થાનિકોએ અંદર ફસાયેલા ત્રણ યુવકને બહાર કાઢવાના પર્યત્નો કાર્ય હતા. લોકોએ આ બનાવ અંગે પોલીસ તથા ફાયરબ્રિગેડને જાણ કરી હતી. બનાવની જાણ થતાં ફાયર વિભાગની ટીમ ઘટના સ્થળે હાજર થઇ હતી.

પાંચ કલાક સુધી ચાલી બચાવ કામગીરી
કુબેરનગરમાં અડધી રાત્રે બિલ્ડિંગ ધરાશાયી થયું હોવાની જાણકારી મળતા ફાયર વિભાગની ટીમ ઘટના સ્થળ પર પહોંચી હતી અને અંદર ફસાયેલા ત્રણ યુવાનોને બચાવવાની કામગીરી હાથ ધરી હતી. ફસાયેલા યુવકોને બચાવવાની કામગીરી પાંચ કલાક ચાલી હતી. ત્રણ યુવકોને રેસ્ક્યૂ કરી હોસ્પિટલ દાખલ કરવામાં આવ્યા હતા. જેમાંથી ગંભીર રીતે ઘાયલ યુવકનું વહેલી સવારે સારવાર દરમિયાન મોત નીપજ્યું હતું. મૃતકનું નામ પ્રેમાભાઈ ચારણ (ઉ.વ. 23, રહે. કુબેરનગર) હોવાનું જાણવા મળ્યું છે.