November 28, 2024
Ahmedabad Sarkhej Bavla Highway: અમદાવાદ જિલ્લામાં સરખેજ-બાવળા હાઇવે(Ahmedabad Sarkhej Bavla Highway) પર મોટી દુર્ઘટના ઘટી છે. હાઇવે પર બાવળાના સરી ગામ પાસે એક ટ્રકમાં આગ લાગી હતી, જેમાં બે લોકો જીવતા સળગી ગયા હોવાનું સામે આવ્યું છે.ત્યારે આ ઘટનાના પગલે આજુબાજુના વિસ્તારમાં અફરાતફરીનો માહોલ સર્જાયો હતો.
2 લોકો જીવતા સળગી ઉઠ્યા
આ અંગે મળતી માહિતી મુજબ સરખેજ-બાવળા હાઇવે પર સરી ગામ પાસે ટ્રકમાં આગ લાગતા ટ્રકમાં ભરેલ ઓક્સિજનના બાટલામાં બ્લાસ્ટ થયો હતો. આ આગ એટલી ભયાનક હતી કે બે લોકો જીવતા બળી ગયા છે અને મોતને ભેટ્યા છે.
આ ઘટનાના પગલે આસપાસથી લોકો દોડી આવ્યા હતા જેને આ અંગે ફાયર વિભાગ તેમજ 108ને કોલ કર્યો હતો પરંતુ ફાયર વિભાગ દ્વારા પરિસ્થિતિ હાથમાં લેવામાં આવે ત્યાં જ તેમાં રહેલા 2 લોકો સળગી ગયા હતા જેમનું તડપી તડપીને મોત થયું હતું.
Trending News
ઘટનાના પગલે સર્જાયા ટ્રાફિકજામના દર્શ્યો
આ ટ્રકમાં રહેલા બેથી વધુ બાટલામાં આગ લાગી હતી અને બાટલા હવામાં ઉડી પાંચસો ફુટ દૂર પડ્યા હતા તેમજ હાઈવેની સામેની બાજુ પણ પડ્યાં હતા, જેમાં એક ટ્રક ચાલકનો આબાદ બચાવ થયો હતો. હાઇવેનો એક બાજુનો ભાગ થોડી વાર માટે બંધ કરી દેવામાં આવ્યો હતો, જેના કારણે વાહનોની લાંબી લાઈન લાગી હતી અને ટ્રાફિકજામ થયો હતો. પોલીસે ટ્રાફિક હળવો કરવાની કામગીરી કરી હતી.તેમજ ફાયર બ્રિગેડ અને 108 ઘટના ની જાણ થતા ઘટના સ્થળે પહોંચી આગ પર કાબુ મેળવવા પ્રયાસ કર્યો હતો.
આ બ્લાસ્ટ એટલો બધો ભયાનક હતો કે આજુબાજુથી પણ લોકો દોડી આવ્યા હતા.જેના પગલે ભારે ટ્રાફિકજામ સર્જાયો હતો.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લaખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube