અમદાવાદમાં મોંઘીદાટ કારમાંથી થઇ રહી હતી એવી વસ્તુની ચોરી કે… -જાણીને વિશ્વાસ નહિ આવે

રાજ્યમાંથી અવારનવાર ચોરીની ઘટનાઓ સામે આવતી હોય છે પરંતુ છેલ્લા થોડા સમયથી અમદાવાદ શહેરમાં ચોરીની ઘટનામાં સતત વધારો થતો જઈ રહ્યો છે ત્યારે હાલમાં એક સમાચાર સામે આવી રહ્યાં છે. હાલ અમદાવાદ શહેરમાં કારમાંથી ફક્ત સાઇલન્સરની ચોરી ખુબ ચર્ચામાં આવી છે.

અમદાવાદ ગ્રામ્ય એલસીબીએ ગુજરાતનાં અલગ અલગ જિલ્લાઓમાં સાયલેન્સર ચોરી કરતી 5 ગેંગના 14 ચોરોને ઝડપીને આતંરરાજ્ય ટોળકીને પકડી છે. સાયલેન્સર ચોરીના 95 થી વધુ ગુનાની નોંધણી થઇ હતી. ત્યારે આ ગેંગને પકડવા માટે એલસીબીએ ટીમ બનાવી હતી. જેમાં તેને મોટી સફળતા મળી છે.

પોલીસની ગીરફમાં આવેલા આ આરોપીઓ જેલમાં નાખવામાં આવ્યા છે. આ એક બે નહી પરંતુ 14 આરોપીઓ છે, બાવળા, ધોળકા, રૂપાલ અને સાણંદનાં આ આરોપીઓએ સુરેન્દ્રનગર, ગાંધીનગર, મહેસાણા, ખેડા, આણંદ જેવા જિલ્લામાં સાયલેન્સરની ચોરી કરીને તમામ જિલ્લામાં અશાંતિ ફેલાવી રહ્યા હતા. આરોપીઓ અગાઉ આશીફ પાર્ટીની રૂપાલ ગેંગમાં બાઈક, સાયલેન્સર અને ઢોરની ચોરીના કેસમાં પણ છે.

ચોરીની ઘટનાને અંજામ આપવા માટે અલગ અલગ 5 ગેંગ બનાવી હતી. આરોપીઓએ અમદાવાદ અને સુરેન્દ્રનગર જિલ્લામાં 29, ગાંધીનગરમાં 15, મહેસાણામાં ખેડામાં 5-5, આણંદમાં 9 એમ કુલ 64 થી વધુ ઈકો ગાડીનાં સાયલેન્સર ચોરી કરી હતી. તેમજ અમદાવાદ અને આણંદ જિલ્લામાંથી 31 ઢોરની ચોરી કરી હોવાનું સામે આવી રહ્યું છે.