June 16, 2024
ભારતીય રેલવે તેના લાંબા નેટવર્ક અને સસ્તી સેવાઓ માટે જાણીતી છે. રેલવેમાં દેશના કરોડો મુસાફરો વર્ષોથી હજારો લાખો કિલોમીટરની સફર કરતા આવ્યા છે. જોકે, આ રેલવે સલામતીની દ્રષ્ટીએ હંમેશા ચર્ચાનો વિષય રહ્યો છે. આ દરમિયાન ભારતીય રેલ્વેને શર્મશાર કરતી એક એવી ઘટના સામે આવી છે જે જાણીને તમારા હોશ ઉડી જશે. રેલ્વેના ટોઇલેટ યૂઝ કરતાં પહેલાં હવે ચકાસણી કરી લેવી ખૂબ જ આવશ્યક છે. કારણ કે, એક માનસિક વિકૃતે વિકૃતીની તમામ મર્યાદાઓ પાર કરી નાખી છે.
અમદાવાદ રેલવે એલસીબી અને એસઓજી દ્વારા એક લંપટની ધરપકડ કરવામાં આવી છે. આ લંપટ પર ટ્રેનના ટોઇલેટમાં સ્પાય કેમેરો મૂકવાનો આરોપ લગાવવામાં આવ્યો છે. જાણવા મળ્યું છે કે, કમ્પ્યુટરના જાણકાર આ લંપટ ટ્રેનનો હાઉસ કિપીંગ સુરપરવાઇઝર છે. ઘટનાની વિગત એવી છે કે, 16મી માર્ચના રોજ મુંબઈથી ભગતનકી કોઠી જતી ટ્રેનમાં એક ટોઇલેટમાંથી સ્પાય કેમેરા પકડાયો હતો. આ કેમેરાની તપાસ પોલીસ દ્વારા શરૂ કરવામાં આવી હતી અને તેની તપાસમાં એક આરોપીની ધરપકડ પણ કરવામાં આવી હતી.
આ આરોપીનું નામ જહિઉદ્દીન શેખ છે. તેણે પાવરબેંક સાથે કનેક્ટ કરેલો એક સ્પાય કેમેરો ટ્રેનના ટોઇલેટમાં લાગવ્યો હતો અને તેના વાયર દેખાઈ નહીં તે માટે ડસ્ટબીનની અંદર છૂપાવી દીધા હતા. આ સ્પાય કેમેરા દ્વારા તે મહિલાઓનાં વીડિયો કેપ્ચર કરતો હોવાની આશંકા વ્યક્ત કરવામાં આવી છે.
મળતી માહિતી મુજબ 16મી માર્ચના રોજ એરફોર્સમાં કામ કરતાં એક યુવકે આ ટ્રેનમાં મુસાફરી કરી હતી. આ યુવકને સંદિગ્ધ બાબત જણાતા તેણે ચકાસણી કરી અને તેણે તપાસ કરતાં સ્પાય કેમેરો મળી આવ્યો હતો. તેણે પોલીસને તાત્કાલિક જાણ કરી. આ ઘટના જાણીને પોલીસ પણ આશ્ચર્યમાં મૂકાઈ ગઈ હતી. જોકે, હાલમાં તો આ એક જ કેમેરો સામે આવ્યો છે પરંતુ આ કાંડ મોટું હોવાની શક્યતા છે.
જાણવા મળ્યું છે કે, જહિઉદ્દીન મુંબઈમાં રહે છે અને ટ્રેનમાં હાઉસકિપીંગનું કામ કરે છે એટલે તેણે અન્ય ટ્રેનોમાં આ પ્રકારાના કેમેરા લગાવ્યા હતા કે કેમ તેની પણ તપાસ શરૂ કરવામાં આવી છે. પોલીસને આશંકા છે કે, આ કામ તેણે એક જ ટ્રેનમાં નહીં કર્યુ હોય. વધુમાં જાણવા મળ્યું છે કે, આ કેમેરામાં કેપ્ચર થયેલો ડેટા ક્યા સ્ટોર કર્યો અથવા ક્યા વેચ્યો તેની પણ પોલીસ દ્વારા તપાસ કરવામાં આવશે. પરંતુ આ કિસ્સાના કારણે વિકૃતિની તમામ હદો પાર થઈ જવા ઉપરાંત ટ્રેનોની સુરક્ષા સામે મોટા પ્રશ્નો પણ ઉભા થયા છે.
Trending News
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે… લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews ગુગલ ન્યુઝમાં ફોલો કરો: http://bit.ly/TrishulNewsOnGoogle