October 30, 2024
ગુજરાતમાં અવાર-નવાર અકસ્માતની ઘટનાઓ સામે આવતી રહે છે. ત્યારે આજ આવી જ એક ઘટના ગુજરાતના અમદાવાદમાંથી સામે આવી છે. તમને જાણીને વિશ્વાસ નહિ આવે પરંતુ આ અકસ્માતમાં પોલીસ કૉન્સ્ટેબલનું કરુણ મોત નીપજ્યું છે. અમદાવાદ શહેર પોલીસના (Ahmedabad Police) સરખેજ પોલીસસ્ટેશનમાં ફરજ બજાવતા કોન્સ્ટેબલ નું અકસ્માતમાં (Accident) મૃત્યુ નીપજ્યું હોવાની ઘટના સામે આવી છે.
કોન્સ્ટેબલ તેમના પત્ની સાથે શાક લેવા નિકળ્યા હતા ત્યારે બાઇક ચાલકે તેઓને ટક્કર મારતા તેઓ રોડ પર પટકાતા તેઓનું સારવાર દરમિયાન મૃત્યુ નીપજ્યું હતું. રવિવારનો દિવસ શહેર પોલીસ માટે શોકનો દિવસ હતો કારણકે અમદાવાદ રૂરલ ના રેન્જ આઈજીનું (Ahmedabad Range IG) નિધન થયું અને હવે એક પોલીસ કોન્સ્ટેબલનું અકસ્માતમાં (Death) મૃત્યુ થતા પોલીસબેડામાં શોકનો માહોલ જોવા મળ્યો છે.
ગાંધીનગર માં રહેતા નિરવભાઈ બારડ માણસા ખાતે એલ.આઈ.સી માં આસિસ્ટન્ટ તરીકે નોકરી કરે છે. રવિવાર ના દિવસે તેઓને તેમના મામા નો રાત્રે ફોન આવ્યો હતો. ફોન પર તેઓને જાણવા મળ્યું કે યોગેશભાઈ નો અમદાવાદ માં અકસ્માત થયો છે અને તેઓને સારવાર અર્થે ખાનગી હોસ્પિટલમાં ખસેડાયા છે. જેથી તેઓ તાત્કાલિક હોસ્પિટલ પહોંચ્યા ત્યારે તેમના માસીના પુત્ર યોગેશભાઈ મૃત હાલતમાં સ્ટ્રેચર પર હતા.
Trending News
તેઓએ ત્યાં હાજર લોકોને પૂછ્યું તો જાણવા મળ્યું કે, યોગેશભાઈ તેમના પત્નીને લઈને સરખેજ ધોળકા રોડ પર શાકભાજી લેવા નિકલ્યા હતાં . ત્યારે એક બાઇક ચાલકે યોગેશભાઈ ના એક્ટિવાને ટક્કર મારતા યોગેશભાઈ રોડ પર પટકાયા હતા. તેઓને મોઢા પર ગંભીર ઈજાઓ પહોંચતા તેઓને સારવાર અર્થે ખસેડયા હતા. જ્યાં તેમનું મૃત્યુ નીપજ્યું હતું.
અત્રે ઉલ્લેખનીય છે કે, યોગેશભાઈ પરમાર નવી ફતેહવાડી ખાતે રહે છે અને મૂળ ગીર સોમનાથ જિલ્લાના રહેવાસી હતા. અને સરખેજ પોલીસસ્ટેશનમાં કોન્સ્ટેબલ તરીકે ફરજ બજાવતા હતા. હાલ આ મામલે એમ ડિવિઝન ટ્રાફિક પોલીસે બાઇક ચાલક સામે ગુનો નોંધી કાર્યવાહી કરી છે. બીજીતરફ પોલીસકર્મી ના મૃત્યુ બાદ સમગ્ર પોલીસબેડા માં શોકનો માહોલ છવાયો છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews ગુગલ ન્યુઝમાં ફોલો કરો: http://bit.ly/TrishulNewsOnGoogle