October 06, 2024
ભારતીય જનતા પાર્ટી(BJP)ના પૂર્વ પ્રવક્તા નુપુર શર્મા(Nupur Sharma)ને જાનથી મારી નાખવાની ધમકી આપનાર ખાદિમ સલમાન ચિશ્તી(Salman Chishti)ની અજમેર પોલીસે(Ajmer Police) ધરપકડ કરી છે. અજમેર પોલીસે મોડી રાત્રે આ કાર્યવાહી કરી છે. ધમકીનો વિડીયો વાયરલ થયા બાદ સલમાન ચિશ્તી ફરાર થઈ ગયો હતો. એએસપી વિકાસ સાંગવાને સલમાન ચિશ્તીની ધરપકડની પુષ્ટિ કરી છે.
ASP વિકાસ સાંગવાને કહ્યું, “અમને માહિતી મળી હતી કે દરગાહના ખાદિમ સલમાન ચિશ્તી દ્વારા એક ભ્રામક અને વાંધાજનક વીડિયો મુકવામાં આવ્યો છે, ત્યારબાદ આ મામલે FIR નોંધવામાં આવી છે. તેણે કહ્યું કે સલમાન ચિશ્તી તેના ઘરેથી પકડાયો છે. પૂછપરછ ચાલુ છે. તેણે નૂપુર શર્માના સંબંધ પર કેટલીક વાંધાજનક ટિપ્પણી કરી હતી. પોલીસ અધિકારીએ જણાવ્યું કે, એવું લાગે છે કે સલમાન ચિશ્તીએ નશાની હાલતમાં આ વીડિયો બનાવ્યો હતો. સલમાન ચિશ્તી પણ હિસ્ટ્રીશીટર છે અને તેની સામે 13 કેસ નોંધાયેલા છે.
જાણો વિડિયોમાં શું કહ્યું?
કુખ્યાત બદમાશ અને દરગાહના ખાદિમ સલમાન ચિશ્તીએ ભાજપના પૂર્વ પ્રવક્તા નુપુર શર્માને બે મિનિટ અને પચાસ સેકન્ડના વિડીયોમાં મારી નાખવાની ધમકી આપી હતી. વિડીયોમાં તે કહી રહ્યો છે કે ‘સમય પહેલા જેવો નથી રહ્યો, નહીં તો તે આવું ના બોલત, મને જન્મ આપનાર મારી માતાના શપથ, મેં તેને જાહેરમાં ગોળી મારી દીધી હોત, હું મારા બાળકોની કસમ, મેં તેને ગોળી મારી હોત અને આજે પણ હું છાતી ઠોકીને કહું છું, જે કોઈ નુપુર શર્માનું ગળું કાપી નાખશે, હું તેને મારું ઘર આપીશ અને રસ્તા પર આવી જઈશ, સલમાને વચન આપ્યું હતું.
Trending News
ઉશ્કેરણીજનક ભાષણ બાદ કનૈયાલાલની હત્યા કરવામાં આવી હતી:
આગળ વિડીયોમાં તેણે પોતાને ખ્વાજાનો સાચો સૈનિક ગણાવ્યો અને કહ્યું કે આજે પણ મારામાં ફાડી નાખવાની શક્તિ છે. વાયરલ વિડીયોમાં સલમાન મુસ્લિમોને ઉશ્કેરતી વાતો પણ કહી રહ્યો છે. જણાવી દઈએ કે 17 જૂને દરગાહના ખાદિમ ગૌહર ચિશ્તીએ ગરીબ નવાઝની દરગાહની બહારથી નીકળેલા મૌન સરઘસમાં પણ ઉશ્કેરણીજનક ભાષણ આપ્યું હતું. “ગુસ્તાખ-એ-રસૂલ કી યેહી સજા, સર તન સે જુડા, સર તન સે જુડા” ના નારા લગાવવામાં આવ્યા હતા, ત્યારબાદ ઉદયપુરમાં કનૈયાલાલની હત્યા કરવામાં આવી હતી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.