November 05, 2024
ગૂગલ મેપ(Google Map) પર દરિયા કિનારે એક અજાણી ડૂબી ગયેલી વસ્તુ(USO) સોશિયલ મીડિયા યુઝર્સ માટે કોયડો બનીને રહી છે. આનો એક વીડિયો પણ વાયરલ થઈ રહ્યો છે. જોકે, આ વીડિયો 2018માં યુટ્યુબ ચેનલ ‘The Hidden Underbelly 2.0’ પર અપલોડ કરવામાં આવ્યો હતો. એવો દાવો કરવામાં આવ્યો છે કે આ યુએસઓ ગ્રીસમાં દરિયાકિનારાથી અમુક અંતરે દેખાય છે. કેટલાક યુઝર્સ તેને ‘એલિયન યાન(Alien craft)’ કહી રહ્યા છે.
વિડીયોમાં Michanionaના બીચથી થોડાક મીટર દૂર એક ગોળાકાર વસ્તુ જોઈ શકાય છે. એવો દાવો કરવામાં આવ્યો હતો કે આ અજાણ્યા ગોળાકાર પદાર્થ (USO) લગભગ 220 ફૂટ લાંબો હતો.
Trending News
વિડીયો અનુસાર, USOને ગૂગલ અર્થ દ્વારા જોઈ શકાય છે. આ વિડીયો પર સેંકડો લોકોએ પ્રતિક્રિયા આપી છે. કેટલાકે ‘અજ્ઞાત ડૂબી ગયેલી વસ્તુ’ને એલિયન યાન કહ્યા અને કેટલાકે કહ્યું કે તે એલિયનનું અવકાશયાન છે.
તે જ સમયે, કેટલાક લોકોએ તેને જ્વાળામુખી ખાડો ગણાવ્યો, જ્યારે કેટલાક લોકોએ કહ્યું કે તે ‘એલિયન યાન’ હોઈ શકે છે.
એક યુઝરે કહ્યું- મેં આવું ક્યારેય જોયું નથી. શું તેઓ બીજા ગ્રહના રહેવાસી છે? તે જ સમયે, અન્ય એક વ્યક્તિએ કહ્યું – આ એક ખાડો છે જે બીજા વિશ્વ યુદ્ધ દરમિયાન છોડવામાં આવેલા 5 ટન બોમ્બથી બનેલો છે. જર્મની દ્વારા ઈટાલીના યુદ્ધ જહાજોને નષ્ટ કરવા માટે બોમ્બ છોડવામાં આવ્યો હતો.
અન્ય યુઝરે લખ્યું – ‘હું ગૂગલ અર્થ પર ગયો અને તે જગ્યાએ ઝૂમ ઇન કર્યું. મને આશ્ચર્ય થાય છે કે આ પાણીની અંદર શું છે? અત્યાર સુધી તેની ઓળખ થઈ શકી નથી. શું આ ખરેખર USO છે?’
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.