હેવાનિયત કેટલી હદે? દહેજ માટે લક્ષ્મી બનીને આવેલી દીકરીનું મુંડન કરી બજારમાં ફેરવી, અને બેભાન થતા…

દહેજના ભૂખ્યાઓએ ફરી એકવાર માનવતાને શર્મસાર કરી દીધી છે. દહેજની માંગણી ન સંતોષાતા સાસરિયાઓએ પુત્રવધુનું માથું મૂંડાવી નાખ્યું હતું અને બેભાન અવસ્થામાં કેનાલ કિનારે ફેંકી દીધી હતી. અલીગઢ જિલ્લાના અકરાબાદ પોલીસ સ્ટેશન વિસ્તાર હેઠળના એક ગામમાં બનેલી આ ઘટનાનો કેસ હાથરસના પોલીસ અધિક્ષકના આદેશ પર મહિલા પોલીસ સ્ટેશનમાં નોંધવામાં આવ્યો છે. પોલીસ આરોપીને શોધી રહી છે અને જગ્યાએ જગ્યાએ દરોડા પાડી રહી છે.

કોતવાલી હાથરસ ગેટ વિસ્તારના એક ગામની રહેવાસી આ મહિલાના લગ્ન સાત વર્ષ પહેલા અલીગઢના અકરાબાદ વિસ્તારના એક યુવક સાથે થયા હતા. આરોપ છે કે તેના સાસરિયાઓએ તેને દહેજની માંગણી માટે હેરાન કરવાનું શરૂ કર્યું હતું. તેણીના સાસરીયાઓ અવારનવાર તેણીને માર મારતા હતા.

મહિલાના કહેવા પ્રમાણે, જ્યારે દહેજની માંગ પૂરી ન થઈ ત્યારે તેના સાસરિયાઓએ 14 એપ્રિલના રોજ તેનું માથું મુંડન કરાવ્યું અને તેને આસપાસના વિસ્તારમાં ફેરવી હતી. એટલું જ નહીં, આ લોકોએ તેને અલીગઢ રોડ પર નહેર પાસે સ્થિત તેના ગામ પાસે બેભાન અવસ્થામાં છોડી દીધી હતી.

જ્યારે પીડિતાના પરિવારજનોને આ વાતની જાણ થઈ તો તેઓ તેને તેમના ઘરે લઈ આવ્યા. જે બાદ આ લોકો પોલીસ સ્ટેશન ગયા, પરંતુ પોલીસે તેમની વાત ન સાંભળી. આ લોકોએ ફરીથી પોલીસ અધિક્ષકને અરજી કરી, ત્યારબાદ એસપીના આદેશ પર આ મામલામાં પરિણીત મહિલાના પતિ અને અન્ય કેટલાક સાસરિયાઓ વિરુદ્ધ આ કેસમાં કેસ નોંધવામાં આવ્યો. મહિલા સ્ટેશન ઈન્ચાર્જ વિપિન ચૌધરીનું કહેવું છે કે, કેસ નોંધવામાં આવ્યો છે. આરોપીની શોધખોળ ચાલુ છે.