હવેથી આ રાજ્યમાં બનશે ત્રણ રાજધાનીઓ- આ પાછળનું કારણ જાણીને તમે કહેશો ગુજરાતમાં…

સામાન્ય રીતે કોઈપણ રાજ્ય કે દેશમાં એક રાજધાની હોય છે. પરંતુ ભારતનું આ રાજ્ય પોતાના સુશાસન માટે ત્રણ ત્રણ રાજધાની બનાવવાનો પ્રસ્તાવ પસાર કરી ચૂક્યું છે. અને ટૂંક સમયમાં જ રાજધાનીના અલગ-અલગ કાર્યો પણ શરૂ થઇ જશે. આંધ્ર પ્રદેશ વિધાનસભા એ આજે રાજ્યમાં અમરાવતી, વિશાખાપટ્ટનમ અને કરનુલ રાજધાની બનાવવાના નિર્ણયને બહુમતીથી પસાર કરી દીધો છે. આ નિર્ણયનો વિરોધ પૂર્વ મુખ્યમંત્રી ચંદ્રબાબુ નાયડુની પાર્ટી tdp કરી રહ્યું છે અને તેના અનેક નેતાઓને અટકાયત કરવામાં આવ્યા છે.

આંધ્રપ્રદેશ વિકેન્દ્રીકરણ અને તમામ ક્ષેત્રના સમાન વિકાસ અધિનિયમ 2020 ને નગર પ્રશાસન અને શહેરી વિકાસ મંત્રી સત્યનારાયણ એ આજે વિધાનસભામાં રજૂ કર્યું. નાણામંત્રી બી. રાજેન્દ્રનાથ વિષય પર ચર્ચા શરૂ કરી અને કહ્યું કે રાજ્ય સરકાર આખા રાજ્યના ચાર ક્ષેત્રમાં ભાગ પાડીને વિકાસ કરવા માંગે છે. જેમાં દરેક ક્ષેત્રમાં ત્રણથી ચાર જિલ્લા હશે જેથી સંતુલિત વિકાસ કરી શકાય.

વિધાનસભામાં રાજેન્દ્રનાથ એ કહ્યું કે રાજભવન અને સચિવાલયને વિશાખાપટ્ટનમ લઈ જવામાં આવશે. અમરાવતી ને વિધાયકી, વિશાખાપટ્ટનમને કાર્યકારી અને કરનુલ ને ન્યાયિક રાજધાની બનાવવામાં આવશે.