ગુજરાતીઓને વધુ એક ગેરેંટી આપવા ગુજરાત આવી રહ્યા છે અરવિંદ કેજરીવાલ- જાણો શું છે કાર્યક્રમની રૂપરેખા?

ગુજરાત(GUJARAT): આવનારી વિધાનસભાની ચુંટણી(Assembly elections)ને લઈને રાજ્યમાં હાલ રાજકીય હલચલ તેજ બની રહી છે. BJP અને AAP સહિત તમામ રાજકીય પક્ષોએ પણ ચૂંટણીની તૈયારીઓ શરૂ કરી દીધી છે. રાજ્યભરમાં નેતાઓની અવાર-નવાર મુલાકાતો થઈ રહી છે. આ દરમિયાન, દિલ્હીના મુખ્યમંત્રી અને આમ આદમી પાર્ટીના રાષ્ટ્રીય કન્વીનર અરવિંદ કેજરીવાલ(Arvind Kejriwal) આગામી કેટલાક દિવસો સુધી ગુજરાતનો પ્રવાસ ચાલુ રાખશે. કેજરીવાલ આ મહિનામાં બે વખત ગુજરાતની મુલાકાતે આવ્યા છે.

આમ આદમી પાર્ટીના નેશનલ જોઈંટ જનરલ સેક્રેટરી ઇસુદાન ગઢવીએ મીડિયાને સંબોધતા જણાવ્યું કે, આમ આદમી પાર્ટીના રાષ્ટ્રીય કન્વીનર અને દિલ્હીના મુખ્યમંત્રી અરવિંદ કેજરીવાલ આવતીકાલે ગુજરાતની મુલાકાતે આવી રહ્યા છે. અરવિંદ કેજરીવાલ જામનગરમાં જન સંવાદ કાર્યક્રમમાં વેપારીઓ સાથે સંવાદ કરશે અને વેપારીઓ ની સમસ્યાઓ જાણશે. અરવિંદ કેજરીવાલ ખાસ કરીને MSME સેક્ટરના વેપારીઓ ની સમસ્યાઓ જાણશે.