November 24, 2024
બેંક ગ્રાહકો માટે કામના સમાચાર છે. ATM માંથી રોકડ ઉપાડવાના નિયમોમાં બદલાવ થયો છે. ATM ટ્રાન્ઝેક્શન(Transaction)ને વધુ સુરક્ષિત બનાવવા માટે SBIએ આ પગલું ભર્યું છે. હવે તમારે SBI ATMમાંથી રોકડ ઉપાડવા માટે તમારે OTP દાખલ કરવો ફરજિયાત છે. હવે નવા નિયમ હેઠળ ગ્રાહક OTP વિના રોકડ ઉપાડી શકશે નહીં. તેમાં રોકડ ઉપાડના સમયે, ગ્રાહકોને તેમના મોબાઇલ ફોન પર એક OTP મળે છે. જે દાખલ કર્યા પછી જ ATMમાંથી રોકડ ઉપાડવામાં આવે છે.
બેંકે ટ્વીટ કરીને માહિતી આપી:
બેંકે ટ્વીટ કરીને માહિતી આપી હતી કે SBI ATM પરના વ્યવહારો માટે અમારી OTP આધારિત રોકડ ઉપાડની સિસ્ટમ છેતરપિંડી કરનારાઓ સામે રસીકરણ છે. છેતરપિંડીથી તમારું રક્ષણ કરવું એ હંમેશા અમારી ટોચની પ્રાથમિકતા રહેશે. SBIના ગ્રાહકોએ OTP આધારિત રોકડ ઉપાડની સિસ્ટમ કેવી રીતે કામ કરશે તેની જાણ હોવી જોઈએ.
જાણો શું છે નિયમ?
તમને જણાવી દઈએ કે આ નિયમો 10,000 અને તેનાથી વધુના ઉપાડ પર લાગુ પાડવામાં આવે છે. SBI ગ્રાહકોને તેમના બેંક ખાતામાંથી રજિસ્ટર્ડ મોબાઇલ નંબર અને તેમના ડેબિટ કાર્ડ પિન પર મોકલવામાં આવેલા OTP સાથે દર વખતે તેમના ATMમાંથી રૂ. 10,000 અને તેથી વધુ ઉપાડવાની મંજૂરી આપે છે. ચાલો જાણીએ તેની સંપૂર્ણ પ્રક્રિયા.
Trending News
અહીં સંપૂર્ણ પ્રક્રિયા જાણો:
SBI ATM માંથી રોકડ ઉપાડવા માટે તમારે OTPની જરૂર પડશે.
આ માટે તમારા રજિસ્ટર્ડ મોબાઈલ નંબર પર એક OTP મોકલવામાં આવશે.
આ OTP ચાર અંકનો નંબર હશે જે ગ્રાહકને સિંગલ ટ્રાન્ઝેક્શન માટે આપવામાં આવશે.
એકવાર તમે જે રકમ ઉપાડવા માંગો છો તે દાખલ કરી લો, ત્યાર પછી તમને ATM સ્ક્રીન પર OTP દાખલ કરવા માટે કહેવામાં આવશે.
તમારે રોકડ ઉપાડ માટે આ સ્ક્રીનમાં બેંકમાં નોંધાયેલા મોબાઇલ નંબર પર પ્રાપ્ત OTP દાખલ કરવો પડશે.
બેંકે જણાવ્યું કે તેની શા માટે જરૂર હતી:
ગ્રાહકોને છેતરપિંડીથી બચાવી શકાય તે માટે બેંક દ્વારા આ પગલું લેવામાં આવ્યું છે. દેશની સૌથી મોટી જાહેર ક્ષેત્રની બેંક SBI ભારતમાં 71,705 BC આઉટલેટ્સ સાથે 22,224 શાખાઓ અને 63,906 ATM/CDM નું સૌથી મોટું નેટવર્ક ધરાવે છે. ઇન્ટરનેટ બેંકિંગ અને મોબાઇલ બેંકિંગનો ઉપયોગ કરતા ગ્રાહકોની સંખ્યા અંદાજે 9.1 કરોડ અને 2 કરોડ છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.