ભારત માટે બાબા વેંગાની વધુ એક ખતરનાક ભવિષ્યવાણી- અત્યાર સુધીની બે સાચી પડી ગઈ અને ત્રીજી…

બલ્ગેરિયન(Bulgaria) રહસ્યવાદી બાબા વેંગા (Baba Venga)ની ભવિષ્યવાણી (Prophecy)ઓ ઘણી વખત ચર્ચામાં રહે છે અને તેમણે માત્ર તેમના દેશ વિશે જ નહીં, પરંતુ ભારત સહિત સમગ્ર વિશ્વ વિશે પણ ભવિષ્યવાણીઓ કરી હતી. ભારત(India) વિશે બાબા વેંગાની એક ભવિષ્યવાણીએ લોકોની ચિંતા વધારી દીધી છે, જેમાં તેમણે કહ્યું હતું કે વર્ષ 2022માં ભારતમાં દુકાળ જેવી સ્થિતિ સર્જાઈ શકે છે. તમને જણાવી દઈએ કે બાબા વેંગાએ વર્ષ 2022 માટે ઘણી ભવિષ્યવાણીઓ કરી હતી, જેમાંથી 2 અત્યાર સુધી સાચી પડી છે.

2022માં ભારતમાં ભૂખમરો આવશે: બાબા વેંગા
બાબા વેંગાએ ભારત વિશે ભયાનક આગાહી કરી હતી અને કહ્યું હતું કે વર્ષ 2022માં, વિશ્વભરમાં તાપમાનમાં ઘટાડો થશે, જેનાથી તીડનો પ્રકોપ વધશે. તીડના ઝૂંડ ભારત પર હુમલો કરશે, જેનાથી પાકને ભારે નુકસાન થશે અને દેશમાં દુષ્કાળ પડશે. ભારતમાં ગંભીર ભૂખમરાની સ્થિતિ સર્જાઈ શકે છે. તમને જણાવી દઈએ કે વર્ષ 2020માં રાજસ્થાન, ગુજરાત અને મધ્યપ્રદેશમાં તીડએ હુમલો કર્યો હતો અને પાકને ખાઈ ગયો હતો.

આ વર્ષે 6માંથી 2 આગાહી સાચી પડી છે:
બાબા વેંગાએ વર્ષ 2022 માટે 6 ભવિષ્યવાણીઓ કરી હતી, જેમાંથી 2 અત્યાર સુધી સાચી સાબિત થઈ રહી છે. આ પછી એવી આશંકા છે કે બાબા વેંગાની અન્ય 4 ભવિષ્યવાણીઓ પણ સાચી પડી શકે છે.

આ 2 આગાહીઓ સાચી પડી છે:
બાબા વેંગાએ એશિયાના કેટલાક દેશો અને ઓસ્ટ્રેલિયામાં પૂરની આગાહી કરી હતી. તમને જણાવી દઈએ કે ઓસ્ટ્રેલિયામાં ભારે વરસાદ બાદ પૂર જેવી સ્થિતિ છે, જ્યારે પાકિસ્તાનમાં પૂરના કારણે સ્થિતિ વધુ ખરાબ થઈ રહી છે અને અત્યાર સુધીમાં 1000થી વધુ લોકોના મોત થઈ ચૂક્યા છે. આ સિવાય બાબા વેંગાએ ઘણા શહેરોમાં પાણીની અછતની આગાહી કરી હતી. હાલમાં પોર્ટુગલમાં પાણીની તંગી છે, જ્યારે ઈટાલીમાં પણ દુષ્કાળ જોવા મળી રહ્યો છે.