November 24, 2024
ઉત્તરપ્રદેશના મુખ્યમંત્રી યોગી આદિત્યનાથે મથુરામાં દારૂ અને માંસના વેચાણ પર સંપૂર્ણ પ્રતિબંધ લગાવી દીધો છે. સીએમ યોગીએ સંબંધિત અધિકારીઓને પ્રતિબંધની યોજના બનાવવાનો નિર્દેશ આપ્યો છે. મુખ્યમંત્રી યોગીએ સોમવારે મોડી સાંજે મથુરામાં કૃષ્ણોત્સવ 2021ના કાર્યક્રમમાં આ જાહેરાત કરી હતી.
મુખ્યમંત્રી યોગી આદિત્યનાથે અગાઉ પણ કહ્યું હતું કે ધાર્મિક મહત્વના શહેરમાં માંસ અને દારૂના વેચાણ પર પ્રતિબંધ મૂકવામાં આવશે. તેમણે સૂચવ્યું કે, મથુરાના ગૌરવને પુનર્જીવિત કરવા માટે દારૂ અને માંસના વ્યવસાય સાથે સંકળાયેલા લોકો દૂધ વેચવાનું શરૂ કરી શકે છે, જે તેના મોટા પ્રમાણમાં દૂધ ઉત્પાદન માટે જાણીતું છે.
મુખ્યમંત્રી યોગીએ કહ્યું કે, ‘બ્રિજભૂમિને વિકસાવવા માટે દરેક પ્રયાસ કરવામાં આવશે અને આ માટે ભંડોળની કોઈ કમી રહેશે નહીં. અમે પ્રદેશના વિકાસ માટે આધુનિક ટેકનોલોજી અને સાંસ્કૃતિક અને આધ્યાત્મિક વારસાનું મિશ્રણ જોઈ રહ્યા છીએ. મુખ્યમંત્રીએ દેશને નવી દિશા આપવા બદલ વડાપ્રધાન નરેન્દ્ર મોદીની પ્રશંસા કરી હતી. તેમણે કહ્યું કે લાંબા સમયથી અવગણના કરાયેલા શ્રદ્ધા સ્થાનોને ફરી જીવંત કરવામાં આવી રહ્યા છે.
Trending News
સીએમ યોગીના આ નિર્ણય પર કેબિનેટ મંત્રી મોહસીન રઝાએ કહ્યું કે, મથુરામાં કે કોઈ પણ ધાર્મિક પવિત્ર સ્થળમાં આ પ્રકારની કોઈ વસ્તુની જરૂર નથી. જો તમે વિશ્વાસમાં માનતા હોવ તો ત્યાં તેની શું જરૂર છે. યોગીજીનો નિર્ણય સાચો છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.