November 24, 2024
ગુજરાત(gujarat): વડા પ્રધાન નરેન્દ્ર મોદી(Prime Minister Narendra Modi)એ આજે બનાસકાંઠા(Banaskantha) જિલ્લાના દિયોદર ખાતે રૂ. 600 કરોડથી વધુના ખર્ચે બનેલ નવું ડેરી સંકુલ અને બટાટા પ્રોસેસિંગ પ્લાન્ટ રાષ્ટ્રને સમર્પિત કર્યો હતો. ત્યારે ગુજરાતના મુખ્યમંત્રી ભૂપેન્દ્ર ભાઈ પટેલ ગુજરાત ભાજપના અધ્યક્ષ સી આર પાટીલ બનાસ ડેરી ના ચેરમેન શંકરભાઈ ચૌધરી જોડાયા હતા. સ્થાનિક જનતાએ મોટીસંખ્યામાં ઉષ્માભર્યું સ્વાગત કર્યું હતું. ડેરી કોમ્પ્લેક્સ એ ગ્રીન ઝોન પ્રોજેક્ટ છે. દૂધ અને બટાકાની ઘણી પ્રોડક્ટ્સ અહીંથી બનાવવામાં આવશે, જે વિદેશમાં પણ એક્સપોર્ટ કરવામાં આવશે. આ છોડ સ્થાનિક ખેડૂતો અને નજીકના ગામોને આર્થિક રીતે મજબૂત કરશે. પીએમ મોદી બનાસકાંઠાની મહિલાઓએ દુઃખડા લેતા લાગણી ભીના થઇ ગયા હતા.
નવું ડેરી સંકુલ ગ્રીનફિલ્ડ પ્રોજેક્ટ છે. તે લગભગ 30 લાખ લિટર દૂધની પ્રક્રિયાને સક્ષમ બનાવશે, લગભગ 80 ટન માખણ, એક લાખ લિટર આઈસ્ક્રીમ, 20 ટન કન્ડેન્સ્ડ મિલ્ક અને 6 ટન ચોકલેટનું દૈનિક ઉત્પાદન કરશે. બટાટા પ્રોસેસિંગ પ્લાન્ટ ફ્રેન્ચ ફ્રાઈસ, પોટેટો ચિપ્સ, આલુ ટિક્કી, પેટીસ વગેરે જેવા વિવિધ પ્રકારના પ્રોસેસ્ડ બટાટા ઉત્પાદનોનું ઉત્પાદન કરશે, જેમાંથી ઘણી અન્ય દેશોમાં નિકાસ કરવામાં આવશે. આ પ્લાન્ટ સ્થાનિક ખેડૂતોને સશક્ત બનાવશે અને પ્રદેશમાં ગ્રામીણ અર્થતંત્રને વેગ આપશે.
Trending News
પ્રધાનમંત્રીએ સંબોધનમાં કહ્યુ કે, બનાસકાંઠામાં એવા 75 તળાવો બનાવીએ જેમાં વરસાદી પાણી એકત્ર થાય છે. ઓછો વરસાદ વાળા જિલ્લામાં કાંકરેજ ગાય, મહેસાણી ભેંસ અને બટેટાથી ખેડૂતના નસીબ બદલાયા છે. કોરોનાની મહામારીમાં પણ બનાસ ડેરીએ મહત્વનું કામ કર્યું છે. બનાસ ડેરીએ નાના ખેડૂતોની મોટી ચિંતા કરી છે. બહેનો લગ્ન પ્રસંગે જવાનું છોડી દે પણ પશુઓની કાળજી રાખશે. સોમનાથની ધરતીથી જગન્નાથની ધરતી સુધી બનાસ ડેરી પહોંચી ગઈ છે. ગલબા કાકાના નામ પર બનાસ ડેરીએ મેડિકલ કોલેજો પણ બનાવી છે. ઓછો વરસાદ હોવા છતાં આ જિલ્લાની તાકાત કાંકરેજ ગાય, મહેસાણી ભેંસ અને બટેટાથી ખેડૂતના નસીબ કેવી રીતે બદલાય તે મોડલ બનાસકાંઠામાં જોઇ શકાય. બીજા નમન બહેનોને જે સંતાનોથી વધારે પશુઓને સાચવે છે.
પ્રધાનમંત્રી મોદીએ વધુમાં જણાવતા હતું કે, સૌથી પહેલાં ગલબા કાકાને નમન… બનાસકાંઠાની મગફળી અને સરસોને લઇને બનાસ ડેરીએ સારૂ આયોજન કર્યું છે. ખેડૂતોની આવક વધારવા બનાસ ડેરીએ પ્રશંસનિય કામગીરી કરી છે. બનાસ ડેરી ખેડૂતોને બટાકાનું ઉત્તમ બીજ અને ઉત્તમ ભાવ આપે છે. જ્યારે આપ ઓવારણા લઇ રહ્યાં હતા ત્યારે હુ મારા ભાવને રોકી નહોતો શકતો. તમારા આર્શીવાદ મારા માટે અનમોલ શક્તિનું કેન્દ્ર છે. બનાસની માતા-બહેનોને મારા નમન. ગત કેટલાક કલાકમાં હું ડેરીની તમામ નવી જગ્યાઓએ ગયો. અહી જે કામ થયુ તેનાથી હુ પ્રભાવિત છું. ભારતમાં ગામની અર્થવ્યવસ્થા અને માતાબહેનોના સશક્તિકરણને કેવી રીતે બળ આપી શકાય, કોઓપરેટિવ મુવમેન્ટ કેવી રીતે આત્મભારત અભિયાનને તાકાત આપી શકાય તે અહી અનુભવી શકાય છે. કાશીના મારા વિસ્તારમાં આવીને પણ બનાસ ડેરીએ ત્યાંના લોકોની સેવા કરવાનો સંકલ્પ કર્યો. હવે તેને મૂર્તરૂપ અપાયુ, તેથી કાશીના સાંસદ તરીકે હું તમારો ઋણી છું.
બનાસ ડેરીના ચેરમેન શંકર ચૌધરીએ દિયોદર ખાતે રૂ. 600 કરોડથી વધુના ખર્ચે બનેલ નવું ડેરી સંકુલ અને બટાટા પ્રોસેસિંગ પ્લાન્ટના ઉદ્ઘાટન કાર્યક્રમે કહ્યુ કે, પીએમ મોદીએ આવીને બનાસકાઁઠા જિલ્લાનુ માન વધાર્યુ છે. તમે જ્યારે આવ્યા છો ત્યારે અહીના લોકોને નવુ વિઝન આપ્યુ છે. નવા વિચારો આપ્યા છે, જેથી અહીંનો વિકાસ થયો છે. તમે વિઝન આપ્યુ હતુ કે, પાણી બનાસની સમસ્યા છે. સીધેસીધી વાત તેમણે કહી હતી, ત્યારે આજે બનાસવાસીઓને આ વાત સાચી લાગે છે. ખેતીમાં તેમણે નવુ વિઝન આપ્યું, જેથી ઉત્પાદન વધ્યુ. સાથે જ મધુમાખી પાલનના તેમના વિચારથી પણ અહીંના લોકો સુખી થયા છે.
ડેરી ખેડૂતોને તેમની મહેનત માટે યોગ્ય ભાવ આપી રહી છેઃ મોદી
પ્લાન્ટના ઉદ્ઘાટન કાર્યક્રમમાં બનાસકાંઠા જિલ્લાની લાખો મહિલાઓ પણ પહોંચી હતી. મહિલાઓને હિન્દીમાં સંબોધતા મોદીએ કહ્યું, ‘બાબા બની ગયા, હિન્દી બોલવી પડશે.’ સાથે જ બનાસ ડેરી વિશે વધુમાં જણાવ્યું હતું કે, આજે બનાસ ડેરી ખેડૂતો અને પશુપાલકોને તેમની મહેનતનું યોગ્ય મૂલ્ય આપી રહી છે. ખેડૂતોની આવક વધારવા માટે ડેરી પ્રશંસનીય કામગીરી કરી રહી છે. જેના કારણે જિલ્લાની બહેનો અને માતાઓનું ભાવિ પણ બદલાઈ રહ્યું છે.
I am delighted to be visiting @banasdairy1969 yet again. I had last visited the Dairy in 2016. That time a series of products of the Dairy were launched. I had also visited the Dairy in 2013. Here are glimpses from both programmes. pic.twitter.com/J8xlTPHT6e
— Narendra Modi (@narendramodi) April 19, 2022
બનાસકાંઠાની મહિલાઓ બાળકોની જેમ પ્રાણીઓનું રાખે છે ધ્યાન
મહિલાઓની પ્રશંસા કરતા પીએમએ કહ્યું કે, બનાસકાંઠાની પશુપાલન માતાઓ અને બહેનોને સલામ, જેઓ પ્રાણીઓની તેમના પોતાના બાળકોની જેમ સંભાળ રાખે છે. તેમની કાળજીને કારણે જતી રહેતી લગ્ન-પ્રસંગોમાં પણ તેઓ જતા નથી. અહીંની મહિલાઓ અને ખેડૂતોની મહેનત છે કે જિલ્લામાં ઓછો વરસાદ હોવા છતાં અહીં ખેતી પણ સારી છે અને પાલતુ પશુઓની સંખ્યા પણ વધુ છે. જેના કારણે આજે જિલ્લામાં ડેરીનો પ્લાન્ટ હોવા છતાં બીજો પ્લાન્ટ બનાવવો પડ્યો છે.
અહીં માખણ, આઈસ્ક્રીમથી લઈને ચોકલેટ બનાવવામાં આવશે
આ પ્લાન્ટમાં દરરોજ લગભગ 30 લાખ લિટર દૂધની બનાવટો બનાવવામાં આવશે. આ લગભગ 80 ટન માખણ, એક લાખ લિટર આઈસ્ક્રીમ, 20 ટન કન્ડેન્સ્ડ મિલ્ક (ખોયા) અને 6 ટન ચોકલેટનું ઉત્પાદન કરશે. બટાકાના છોડમાં ફ્રેન્ચ ફ્રાઈસ, પોટેટો ચિપ્સ અને આલુ ટિક્કી જેવી ઘણી પ્રોડક્ટ્સ બનાવવામાં આવશે.
Live: માનનીય પ્રધાનમંત્રી શ્રી @narendramodi ના વરદ્ હસ્તે બનાસકાંઠાના દિયોદર ખાતે બનાસ ડેરીના વિવિધ પ્રકલ્પોનું લોકાર્પણ અને ભૂમિપૂજન. https://t.co/fpwZyq1yIz
— BJP Gujarat (@BJP4Gujarat) April 19, 2022
ડેરીમાં દરરોજ એક કરોડ લિટર દૂધ પ્રોસેસ કરવાની છે ક્ષમતા
બનાસ ડેરી એ ભારતની સૌથી મોટી ડેરી છે. હવે અહીં બીજી ડેરી પણ સ્થપાઈ છે. વડાપ્રધાન મોદી 19મીએ 151 શાખાઓમાં બનેલ બનાસ ડેરી સંકુલનું ઉદ્ઘાટન કરશે. આ પ્લાન્ટ કાર્યરત થતાં બનાસ ડેરીની દૈનિક પ્રોસેસિંગ ક્ષમતા વધીને એક કરોડ લિટર થઈ જશે.
પશુપાલકોની આવક રૂ. 280 કરોડથી વધીને રૂ. 1000 કરોડ થઈ
બનાસકાંઠા જિલ્લો દેશનો પ્રથમ જિલ્લો છે, જ્યાં એક ડેરી હોવા છતાં બીજી ડેરીની જરૂરિયાત અનુભવાઈ હતી. ડેરીના ચેરમેન શંકર ચૌધરીએ જણાવ્યું હતું કે, નરેન્દ્ર મોદી વડાપ્રધાન બન્યા તે સમયે બનાસકાંઠા જિલ્લાના પશુપાલકોની માસિક આવક આશરે રૂ. 280 કરોડ હતી, જે હવે વધીને એક હજાર કરોડ રૂપિયા થઇ ગઇ છે.
ગોબર ગેસ પ્લાન્ટ અને બાયો સીએનજી સ્ટેશનનું કર્યું ઉદ્ઘાટન
વડાપ્રધાન બનાસ ડેરીના અન્ય ઘણા પ્રોજેક્ટનું ઈ-લોન્ચ કર્યું. તેમાં ગોબર ગેસ પ્લાન્ટ અને બાયો સીએનજી સ્ટેશન પણ સામેલ છે. ખીમાણા, રતનપુરા (ભીલડી), રાધનપુર અને થાવર (ધાનેરા) ખાતે ચાર નવા ગોબર ગેસ પ્લાન્ટ બનાવવામાં આવ્યા છે.
Gujarat | Prime Minister Narendra Modi arrives at Banas Dairy Sankul in Diyodar, Banaskantha
He will lay the foundation stone for multiple development projects here. pic.twitter.com/cuNvIXNG0c
— ANI (@ANI) April 19, 2022
મોદી 3 લાખ મહિલાઓને કર્યું સંબોધિત
ડેરીના પ્રમુખ શંકર ચૌધરીએ જણાવ્યું હતું કે, નવા પ્રોજેક્ટથી જિલ્લાના અર્થતંત્રને ઘણું બળ મળશે. વડાપ્રધાને જિલ્લાના વખાણ કર્યા છે, જેના કારણે ગ્રામીણ મહિલાઓમાં અનેરો ઉત્સાહ જોવા મળી રહ્યો છે. ઉદ્ઘાટન બાદ મોદી બનાસકાંઠા જિલ્લાની લગભગ 3 લાખ મહિલાઓને સંબોધિત કરશે.
બનાસ ડેરીમાં નવા ડેરી પ્લાન્ટના લોકાર્પણ અને શિલાન્યાસનો કાર્યક્રમ યોજવામાં આવ્યો હતો. આ પસંગે હાજર રહેલા ભારતીય જનતા પાર્ટીના નેતા શંકર ચૌધરીએ PM નરેન્દ્ર મોદીનાં વખાણ કર્યા હતા અને તેમના વિઝનથી ખેડૂતો અને પશુપાલકોનું ભલું કરવા માટે આભાર માન્યો હતો. તેમણે વધુમાં કહ્યું હતું કે આ મહિલાઓ પોતાના ભાઈ (PM નરેન્દ્ર મોદી) ને મળવા આવી છે. આવેલી તમામ મહિલાઓ તમારો આભાર માનવા માંગે છે.
આ ઉપરાંત બનાસ ડેરીના વિવિધ પ્રોજેક્ટનું ઈ-લોકાર્પણ અને ઈ-ખાતમુહૂર્ત પણ વડાપ્રધાન નરેન્દ્ર મોદીના હસ્તે સ્થળ પરથી કરવામાં આવશે. ઈ-લોકાર્પણમાં બનાસ ડેરી ચીઝ અને વ્હે પાઉડર પ્લાન્ટ વિસ્તૃતીકરણ પાલનપુર, બનાસ ગોબર ગેસ પ્લાન્ટ અને બાયો સીએનજીનો સમાવેશ થાય છે. સ્ટેશન દામા (ડીસા) અને ઈ-ખાતમુહૂર્તમાં 4 નવા ગોબરગેસ પ્લાન્ટ – ખીમના, રતનપુરા (ભીલડી), રાધનપુર અને થાવર (ધાનેરા)નો સમાવેશ થાય છે.
અત્રે ઉલ્લેખનીય છે કે, ભારતમાં આવું પહેલીવાર બન્યું હશે કે, એક જ જિલ્લામાં બીજો મોટો અત્યાધુનિક ડેરી પ્લાન્ટનું નિર્માણ થયું હોય, જૂન-2020માં દિયોદર ખાતે બનાસ ડેરીનું નિર્માણ કાર્ય શરૂ કરવામાં આવ્યું હતું અને માત્ર 18 મહિનાના ટૂંકા સમયગાળામાં અને કોવિડ-19ની વૈશ્વિક મહામારીની કપરી પરિસ્થિતિ વચ્ચે સ્ટેટ ઓફ ધી આર્ટ ડેરી પ્લાન્ટ નિર્માણ પામ્યો છે, જેમાં વિશ્વના જુદા જુદા 7 દેશની મશીનરી આ પ્લાન્ટમાં લગાવવામાં આવી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.