May 21, 2024
ટૂંક જ સમયમાં જુલાઈ મહિનો પૂરો થવાનો છે. 1 ઓગસ્ટ (1 August) થી રોકડ લેવડદેવડ સંબંધિત નિયમોમાં ફેરફાર થવા જઈ રહ્યા છે. LPG સિલિન્ડર (LPG) ની કિંમતો દર મહિનાની પહેલી તારીખે નક્કી કરવામાં આવે છે. 1 ઓગસ્ટથી બેંક ઓફ બરોડા (BOB) ચેક સંબંધિત નિયમોમાં ફેરફાર કરવા જઈ રહી છે. બેન્ક ઓફ બરોડામાં પોઝિટિવ પે સિસ્ટમ શરૂ થવાની છે. ઉપરાંત, ઓગસ્ટમાં ઘણા તહેવારો ઉજવવામાં આવશે, તેથી બેંકો પણ આ મહિનામાં વધુ દિવસો માટે બંધ રહેશે.
બેંક ઓફ બરોડા ચેક પેમેન્ટ નિયમો
બેંક ઓફ બરોડા (BOB) ચેક પેમેન્ટના નિયમો 1 ઓગસ્ટથી બદલાશે. રિઝર્વ બેંક ઓફ ઈન્ડિયા (RBI)ની ગાઈડલાઈન બાદ બેંક ઓફ બરોડાએ ચેક પેમેન્ટના નિયમોમાં ફેરફાર કર્યો છે. બેંક ઓફ બરોડાએ તેના ગ્રાહકોને જાણ કરી છે કે 1 ઓગસ્ટથી 5 લાખ કે તેથી વધુ રકમની ચેક પેમેન્ટ માટે પોઝિટિવ પે સિસ્ટમ લાગુ કરવામાં આવી છે.
આ અંતર્ગત ચેક ઇશ્યુ કરનારે એસએમએસ, નેટ બેંકિંગ અથવા મોબાઇલ એપ દ્વારા ચેકથી સંબંધિત માહિતી બેંકને આપવાની રહેશે. ત્યાર બાદ જ ચેક ક્લિયર થશે. જો બેંક બહુવિધ ચેક જારી કરે છે, તો તેની સંખ્યા, ચુકવણીની રકમ અને ચૂકવણી કરનારનું નામ સહિતની ઘણી વિગતો બેંકને પ્રદાન કરવી પડશે.
રાંધણ ગેસના ભાવ
એલપીજી સિલિન્ડરની કિંમતો દર મહિનાની પહેલી તારીખે નક્કી કરવામાં આવે છે. 1 ઓગસ્ટે સરકારી ઓઇલ માર્કેટિંગ કંપનીઓ ગેસ સિલિન્ડરના દર નક્કી કરશે. ગત વખતની જેમ આ વખતે પણ એલપીજીના ભાવમાં વધારો થાય તેવી શકયતા છે.
18 દિવસ સુધી બેંકો બંધ રહેશે
ઓગસ્ટ મહિનામાં કુલ 18 દિવસ બેંકો બંધ રહેશે. રિઝર્વ બેંક ઓફ ઈન્ડિયા (RBI) એ ઓગસ્ટમાં પોતાની યાદીમાં કેટલાક દિવસો માટે બેંક બંધ રાખવાની જાહેરાત કરી છે. ઓગસ્ટમાં મહોરમ, રક્ષાબંધન, સ્વતંત્રતા દિવસ, કૃષ્ણ જન્માષ્ટમી અને ગણેશ ચતુર્થી જેવા ઘણા તહેવારો છે, જે તહેવારો પર બેંકો કામ કરશે નહીં.
આ ઉપરાંત રવિવારે બીજો અને ચોથો શનિવાર સાપ્તાહિક રજા હોવાના કારણે બેંકો બંધ રહેશે. આ સાપ્તાહિક રજાઓને એકસાથે લઈને ઓગસ્ટમાં સમગ્ર 18 દિવસ બેંકો બંધ રહેવાની છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
Trending News
