શું તમે જાણો છો દિવસ-રાત દેશ માટે નૌછાવર થનારા જવાનોને કેટલો પગાર મળે છે? જાણો રોચક વાતો

લગભગ દર વર્ષે દેશના એક યા બીજા ખૂણે ભારતીય સેના (Indian Army)ની ભરતી થતી જ હોય છે. દેશ માટે જીવ આપવો કે લેવો એ ભારતીય સેનાના જવાનો માટે કોઈ મોટી વાત નથી. ભારતીના સમયગાળા દરમિયાન લાખોની સંખ્યામાં નવયુવાનો સેનામાં ભરતી થવા માટે ભાગ લે છે. આ ભરતીમાં સિલેક્ટ થયેલા જવાનોને ટ્રેનિંગ દરમિયાનથી જ પગાર(Salary) અને અન્ય સુવિધાઓ મળવાનું શરૂ થઈ જતું હોય છે.

સેનામાં કેટલા બેન્ડ હોય છે:
મળતી માહિતી અનુસાર, 17થી વધુ પદો ભારતીય સેનામાં હોય છે. જેમાં સેલરી ઉપરાંત અલગ-અલગ બેન્ડ પણ હોય છે. સિપાઈ સૌથી નીચેનું પદ હોય છે. આ જ સૈનિક સરહદ પર આતંકીઓ, દુશ્મન સેના અને ઘૂસણખોરો સાથે સંઘર્ષ કરે છે. ગોળી પોતાની છાતી પર ઝીલે છે. જેમાં પહેલું એક્સ અને બીજું વાય આ રીતે કુલ સિપાહીના બે બેન્ડ હોય છે.

કેટલો પગાર મળે છે:
હવે વાત કરીએ સિપાહી(X) બેન્ડ વાળાના પગારની તો, સિપાઈ (X)ને 5200-20,000+1400+2000+DA મળે છે. એટલે સિપાહી(X) બેન્ડ વાળાને કુલ 26,900 રૂપિયા પગાર મળે છે. જ્યારે સિપાઈ (Y)ને 5200-20,200+2000+2000+DA મળે છે. આ કેટેગરીમાં કુલ 27,100 રૂપિયા પગાર મળે છે.

આ ઉપરાંત આજીવન પેન્શન, 60 દિવસની વાર્ષિક રજા, 20 દિવસની કેઝ્યુઅલ લીવ, છેલ્લાં પગારના આધારે મહત્તમ 300 દિવસની રજાની ચૂકવણી, બે વર્ષના અભ્યાસ માટે રજા વગેરેનો સમાવેશ થાય છે. આટલું જ નહીં IMA, OTA, CME,MCME અને MCTEમાં કેડેટ ટ્રેનિંગ વિંગમાં નિશ્વિત માસિક પગાર 21 હજાર રૂપિયા આપવામાં આવે છે. આ સિવાય અન્ય પણ ઘણી સુવાધાઓ સિપાહીઓને પૂરી પાડવામાં આવે છે.