આ યુનીવર્સીટીમાં હવે હિંદુ ધર્મ ભણાવવામાં આવશે- ગમે એ ધર્મનો વિદ્યાર્થી મેળવી શકશે પદવી

બનારસ હિન્દુ યુનિવર્સિટી માં પ્રથમ વખત હિન્દુ ધર્મ એક વિષયના રૂપમાં ભણાવવામાં આવશે. વિદ્યાર્થીઓ આ અભ્યાસક્રમ હેઠળ પ્રાચીન જ્ઞાન, પરંપરા, કલા, વિજ્ઞાન અને કુશળતા શીખશે. યુનિવર્સિટી 40 બેઠકો સાથે બે વર્ષનો હિન્દુધર્મનો અભ્યાસક્રમ શરૂ કરી રહી છે. અને 7 સપ્ટેમ્બર સુધી ફોર્મ સ્વીકારવામાં આવશે. અભ્યાસક્રમ માટે વિદ્યાર્થીઓની પસંદગી માટે 3 ઓક્ટોબરના રોજ એક પ્રવેશ પરીક્ષા લેવામાં આવશે.

BHUના કુલપતિ વિજય કુમાર શુક્લાએ જણાવ્યું કે, આ આપણા દેશમાં હિન્દુ ધર્મનો પહેલો ડિગ્રી અભ્યાસક્રમ હશે.જ્યાં હિંદુ ધર્મ વિષે અભ્યાસ કરાવવામાં આવશે. અગાઉ હિમાચલ યુનિવર્સિટીમાં માત્ર એક જ ડિપ્લોમા કોર્સ ચાલતો હતો. અમે અન્ય સંસ્કૃતિઓ, પરંપરાઓ જેવી કે ખ્રિસ્તી, ઇસ્લામ યુનિવર્સિટીઓમાં ભણાવી રહ્યા છીએ જ્યારે હિન્દુ ધર્મ નહોતો. તેમણે જણાવ્યું કે યુનિવર્સિટીમાં વિદ્યાર્થીઓ માટે સ્માર્ટ ક્લાસનું આયોજન કરવામાં આવશે અને અન્ય દેશોના વિદ્યાર્થીઓ પણ આ અભ્યાસક્રમનો ભાગ બની શકે છે. તેમણે કહ્યું કે વિદેશી વિદ્યાર્થીઓની મોટી સંખ્યામાં અરજીઓ હિંદુ ધર્મમાં અન્ય દેશોની રૂચી ધરાવે છે.

કોર્સ ફિલોસોફી વિભાગ દ્વારા હાથ ધરવામાં આવશે જે હિન્દુ ધર્મની ભાવના, મહત્વાકાંક્ષાઓ અને રૂપરેખા સમજાવશે, જ્યારે પ્રાચીન ઇતિહાસ અને સંસ્કૃતિ વિભાગ પ્રાચીન વેપાર પ્રવૃત્તિઓ, સ્થાપત્ય, શસ્ત્રો, મહાન ભારતીય સમ્રાટો દ્વારા ઉપયોગમાં લેવાતા સાધનો પર પ્રાચીન પુરાવા આપશે. સંસ્કૃત વિભાગ મંત્રો દ્વારા શાસ્ત્રો, વેદો અને પ્રાચીન શિલાલેખોના વ્યવહારિક પાસાઓની ચર્ચા કરશે. તેમણે જણાવ્યું કે વિદ્યાર્થીઓ પ્રાચીન યુદ્ધ હસ્તકલા, હિન્દુ રસાયણશાસ્ત્ર, લશ્કરી વિભાગ ,વીજ,શાસ્ત્રીય સંગીત વગેરેના જ્ઞાન પોતાને જ સમૃદ્ધ બનાવશે.