November 24, 2024
કોરોના મહામારી વચ્ચે બિહાર વિધાનસભાની ચૂંટણી 2020 આવતાની સાથે જ ભારતીય જનતા પાર્ટી ચૂંટણી સક્રિય થઈ ગઈ છે. બિહારમાં આ વર્ષના અંતમાં વિધાનસભાની ચૂંટણી યોજાવાની છે અને રાજ્યમાં વર્ચુઅલ રેલીનો નવો રાજકીય પ્રયોગ શરૂ થઈ રહ્યો છે. ખુદ કેન્દ્રીય ગૃહમંત્રી અમિત શાહ આ પ્રયોગની શરૂઆત કરવા જઇ રહ્યા છે. ભાજપે આ વર્ચુઅલ રેલીનું નામ ‘બિહાર-જનસંવાદ’ રાખ્યું છે.
2 લાખ લોકો સાંભળશે શાહનું ભાષણ
ભાજપના પ્રદેશ અધ્યક્ષ ડો. સંજય જાયસ્વાલે જણાવ્યું હતું કે, અમિત શાહ રવિવારે સાંજે 4 વાગ્યે સામાન્ય લોકો સાથે વાતચીત કરશે. તેમણે દાવો કર્યો હતો કે, આ રેલી એતિહાસિક હશે અને સાથે સાથે સફળતાના ઘણા નવા રેકોર્ડ પણ બનાવશે. શરૂઆતમાં આ વર્ચુઅલ રેલીમાં ફક્ત 22 જિલ્લાના લોકોને ઉમેરવાની યોજના હતી, હવે બિહારના તમામ જિલ્લાના લોકોને ઉમેરવામાં આવ્યા છે. આ વર્ચુઅલ રેલીમાં પ્રેક્ષકોને એક લાખથી વધારીને 2 લાખ કરવાનો લક્ષ્યાંક છે.
Trending News
72 હજાર એલઇડી સ્ક્રીન મુકવામાં આવી
ભાજપે આ રેલી માટે વિશેષ તૈયારીઓ કરી છે. રેલીને વાસ્તવિક લુક આપવા માટે 72 હજાર બૂથ પર 72 હજાર એલઇડી સ્ક્રીન લગાવવામાં આવી છે. આ એલઇડી સ્ક્રીનો ખાસ કરીને તે લોકો માટે છે કે, જેમની પાસે સ્માર્ટ ફોન નથી. આ વર્ચુઅલ રેલી પણ સામાન્ય રેલીની જેમ દેખાશે. અહીં એક ભવ્ય મંચ ત્યાર કરવામાં આવ્યું છે. બિહાર ભાજપના મોટા નેતાઓથી લઈને નાના નેતાઓ સુધી આ મંચ પર સ્થાન આપવામાં આવ્યું છે. ચર્ચાની વાત એ છે કે, ઉપમુખ્ય પ્રધાન સુશીલ કુમાર મોદી, સંજય જયસ્વાલ સહિત બિહાર ભાજપના ચહેરાઓ જોવા મળશે.
#WATCH Union Home Minister & BJP leader Amit Shah addresses ‘Bihar Jansamvad Rally’ through video conferencing https://t.co/Ej5oZZT7Ay
— ANI (@ANI) June 7, 2020
સામાજિક અંતર પણ નજર
ભાજપના નેતાઓ 72 હજાર બૂથ પર અમિત શાહનું ભાષણ સાંભળવાની તૈયારી કરી રહ્યા છે. આ વિધાનસભા મત વિસ્તારના 4-5 હજાર લોકોને જોડાવાનો લક્ષ્યાંક છે. તે પણ સુનિશ્ચિત કરવામાં આવશે કે, ભેગા થવાના સ્થળે કોઈપણ કિંમતે 50 થી વધુ લોકોની ભીડ ન હોય. આ માટે ભાજપના કાર્યકરો અમિત શાહને સાંભળવા આવતા લોકો માટે માસ્ક અને સેનિટાઇઝરની વ્યવસ્થા કરશે.
નીતીશ કુમાર પણ શરૂ કરશે વર્ચુઅલ રેલી
આ દરમિયાન, ભાજપની પહેલ બાદ રાજ્યના સીએમ અને જેડીયુ પ્રમુખ નીતીશ કુમારે પણ ઓનલાઇન રેલી યોજવાની જાહેરાત કરી છે. પાર્ટીએ જાહેરાત કરી હતી કે, 7 જૂનથી 13 જૂન દરમિયાન નીતિશ દરરોજ જુદા જુદા જિલ્લાઓમાં વર્ચ્યુઅલ રેલી કરશે. આમાં, ફેસબુક, યુ ટ્યૂબ દ્વારા, તે દરરોજ જુદા જુદા જિલ્લાના લોકોને જોડશે અને સંબોધન કરશે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો.
https://play.google.com/store/apps/details?id=com.trishul.news