‘ભાજપના સંનિષ્ઠ કાર્યકર્તા’ વોટ્સેપગ્રૂપ વધુ એક વખત બન્યું અશ્લીલ ફિલ્મોનું હબ- મહિલા કાર્યકર્તાઓએ છોડ્યું ભાજપનું...

ગીર સોમનાથ જિલ્લામાં ભાજપના વ્હોટ્સ-એપ ગ્રૂપમાં કોઈકએ પ૬ સેકન્ડસનો અશ્લીલ વીડિયો મૂકી દીધો હતો. પોર્ન વીડિયો મુકાયાની ગણતરીની મિનિટોમાં જ મહિલા સભ્યો ધડધાડ ગ્રુપ માંથી લેફ્ટ થઈ ગયા હતા. ગ્રૂપ એડમિન દ્વારા વીડિયો મૂકનારને તુરંત જ ગ્રૂપમાંથી રીમુવ કરવામાં આવ્યો હતો.

ગીર સોમનાથ જિલ્લા ભાજપનું એક સોશિયલ મીડિયા વોટ્સ-એપ ગ્રૂપ ભાજપ સનિષ્ઠ કાર્યકર્તામાં ગઈકાલે જેના સ્ટેટસમાં ગીર સોમનાથ ડિસ્ટ્રિક્ટ પંચાયતના મેમ્બર લખેલું અને એક કાર્યકર્તાએ ગમે તે કારણોથી ૫૬ સેકન્ડનો એક અશ્લીલ વીડિયો મૂકી દેતા ખળભળાટ મચ્યો હતો. આ અંગેની જાણ ભાજપના નેતાઓને કરી દેવાઈ હતી. આ ગ્રૂપમાં ઘણા મહિલા કાર્યકર્તા હોવાથી ભાજપ માટે નીચું જોવાનું થયું છે.

ગ્રૂપ એડમિન અરવિંદ રાણીંગાએ આવો બીભત્સ વીડિયો મૂકનારા આ મેમ્બરને ઝડપથી રિમૂવ કર્યા હતા. આ કાર્યકર્તા જિલ્લા પંચાયતના સભ્ય છે તેવો પણ મેસેજ લખ્યો હતો પરંતુ કોઈ મેમ્બરે જ સ્ક્રીન શોટ પાડીને આ મેસેજને વાઇરલ કરી દીધો હતો. આથી બે કલાકમાં તો સૌ કોઈને આ પોર્ન વીડિયોની જાણકારી મળી ગઈ હતી.