January 31, 2025
નર્મદા જિલ્લાના ભાજપ ઉપપ્રમુખ હિરેન પટેલને તેમના ઉપપ્રમુખ પદથી ભારતીય જનતા પાર્ટી દ્વારા સસ્પેન્ડ કરી દેવામાં આવ્યાં છે. ભાજપ ઉપપ્રમુખ હિરેન પટેલ સામે આદિવાસી યુવતીને ફસાવી દુષ્કર્મની ફરિયાદ નોંધવામાં આવતા સસ્પેન્ડ કરી દેવામાં આવ્યાં છે. દુષ્કર્મની ફરિયાદ નોંધાતા જ ભારતીય જનતા પાર્ટી એકશનમાં આવી ગઈ હતી. પીડિતાને લગ્નની લાલચ અને વીડિયો વાયરલ કરી દેવાની ધમકી આપી હતી. આ સમગ્ર મામલે તિલકવાડા પોલીસે ફરીયાદ નોંધીને આગળની તપાસ હાથ ધરી છે.
તિલકવાડા તાલુકાના જેતપુર ગામમાં રહેતી 30 વર્ષીય યુવતીએ નર્મદા જિલ્લા ભાજપ ઉપપ્રમુખ હિરેન રાવજીભાઈ પટેલ વિરુદ્ધ પોતાની ફરિયાદમાં જણાવતા કહ્યું છે કે, યુવતી પોતે આદીવાસી હોવાનું હિરેન પટેલ જાણતો હોવા છતાં પણ હિરેન પટેલે આદિવાસી યુવતી સાથે લગ્ન કરવાની અને નોકરીની લાલચ આપી હતી. આ દરમિયાન યુવતી સાથે અંગત પળો માણી યુવતીની મરજી વિરુદ્ધ જઈને તેમની અંગત પળોના ફોટા અને વીડિયો ઉતારીને વાયરલ કરવાની ધમકી આપી હતી. સાથે સાથે જો એ યુવતીએ હિરેન પટેલ સિવાય બીજા અન્ય કોઈ સાથે લગ્ન કર્યા તો એના થનારા પતીને જાનથી મારી નાખવાની પણ ધમકી આપી હતી અને એના પરિવારને પણ બરબાદ કરી દેવાની ધમકીઓ આપી હોવાનું ફરિયાદમાં જાણવા મળ્યું છે.
પીડિત યુવતીએ વધુમાં જણાવતા કહ્યું છે કે, હિરેન પટેલ આ પ્રકારની ધમકીઓ આપી પોતાની સાથે અવાર નવાર યુવતીની મરજી વિરુદ્ધ વડોદરાની અલગ અલગ હોટેલમાં અને અલવા ગામે તેના ઘરમાં દુષ્કર્મ આચર્યું હતું. સાથે સાથે હિરેન પટેલ યુવતીનો વારંવાર પીછો કરીને પ્રેમ સંબંધ રાખવા માનસિક ત્રાસ આપી દબાણ કર્યું હોવાનું પણ યુવતીએ ફરિયાદમાં જણાવ્યું હતું અને તિલકવાડા પોલીસે હિરેન રાવજીભાઈ પટેલ વિરુદ્ધ ફરિયાદ દાખલ કરીને આગળની કાર્યવાહી હાથ ધરી છે.
Trending News
થોડા દિવસ પહેલા સુરતના ઉધનામાં સગીરા પર દુષ્કર્મના કેસમાં ભારતીય જનતા પાર્ટીના કાર્યકરની ધરપકડ કરવામાં આવી હતી. મહારાષ્ટ્ર થી સુરત આવેલી સગીરા પર ભારતીય જનતા પાર્ટીના કાર્યકર સગીરા ઉપર દુષ્કર્મ આચર્યું હોવાની ફરિયાદ દાખલ થઇ હતી. જેમાં ભારતીય જનતા પાર્ટીના કાર્યકરે સગીરાના અંગત ફોટા પાડી પરિવાર પાસેથી રૂપિયા 20 હજારની માંગણી કરવામાં આવી હતી. તેવો પરિવારજનોએ આક્ષેપ પણ લાગવ્યો હતો. સમગ્ર મામલે ઉધના પોલીસમાં ફરિયાદ નોંધાતા પોલીસે આગળની તપાસ હાથ ધરી હતી. જે બાદ 9 ઓગસ્ટે પોલીસે આરોપીની ધરપકડ કરી લીધી હતી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.