May 21, 2024
ઉત્તર પ્રદેશના મહારાજગંજ (Maharajganj, Uttar Pradesh) જિલ્લાના કોલ્હુઈ પોલીસ સ્ટેશન વિસ્તાર હેઠળના એક ગામમાં નવદંપતીની તબિયત બગડ્યા બાદ અલ્ટ્રાસાઉન્ડમાં એક આશ્ચર્યજનક કારણ સામે આવ્યું છે. લગ્નના દોઢ મહિના બાદ નવદંપતી 4 માસની ગર્ભવતી હોવાનું બહાર આવ્યું હતું. આ સંદર્ભે કોલ્હુઈ પોલીસ સ્ટેશન વિસ્તારના એક ગામના યુવકે કોલ્હુઈ પોલીસ સ્ટેશનમાં લેખિત ફરિયાદ પત્ર આપીને પોતાની વેદના વ્યક્ત કરી હતી.
પીડીત પતીએ જણાવ્યું કે, ‘તેના લગ્ન દોઢ મહિના પહેલા ગામના એક સંબંધી દ્વારા બાજુના જિલ્લાની એક યુવતી સાથે થયા હતા, પરંતુ ઘર વસે એ પહેલા જ ઘર વસાવવાના સપના ચુર ચુર થઇ ગયા હતા.’ જેનાથી તે સંપૂર્ણપણે ગુસ્સે થઈ ગયો હતો. તેણે જણાવ્યું કે લગ્નને દોઢ મહિના થયા હતા પરંતુ તેની પત્ની 4 મહિનાથી ગર્ભવતી છે.
આ સમગ્ર મામલાની જાણ સાસરિયાઓને ત્યારે થઈ જ્યારે લગ્નના થોડા દિવસો બાદ જ નવી પરણેલી યુવતીના પેટમાં અચાનક દુ:ખાવો ઉપડ્યો. તેના સાસરિયાઓએ તેને દવા આપી પણ કોઈ રાહત ન થઈ. આ પછી ગભરાઈને સાસરિયાં યુવતીને પ્રાથમિક આરોગ્ય કેન્દ્ર કોલ્હુઈ લઈ આવ્યા. જ્યાં તબીબોએ યુવતીને ગર્ભવતી હોવાની આશંકા વ્યક્ત કરી હતી.
Trending News
અલ્ટ્રાસાઉન્ડ રિપોર્ટ આવ્યા બાદ યુવતીની પ્રેગ્નન્સી સાબિત થઈ હતી. આ પછી સાસરિયાઓએ યુવતીના પરિવારજનોને જાણ કરી કે તેમની પુત્રી ચાર મહિનાથી ગર્ભવતી છે, જે સાંભળીને પરિવારજનો રોષે ભરાયા હતા અને બંને પરિવારો વચ્ચે બોલાચાલી થઈ હતી. ફરીથી અલ્ટ્રાસાઉન્ડ કરાવ્યા બાદ પણ રિપોર્ટ પોઝિટિવ આવ્યો હતો.
મામલો વધુ બગડતો જોઈને, પીડિતાના પક્ષે, છોકરા અને તેના પરિવારે કોલ્હુઈ પોલીસ સ્ટેશનમાં ફરિયાદ નોંધાવી અને છોકરીના માતા-પિતા અને તેના સંબંધીઓ પર આરોપ લગાવ્યો કે આ લોકોને પહેલાથી જ ખબર હતી કે છોકરી ગર્ભવતી છે પરંતુ સત્ય છુપાવતા તેઓએ છેતરપિંડી કરી.
છોકરાએ કોલ્હુઇ પોલીસને વિનંતી કરી છે કે, તે ત્રણેય સામે છેતરપિંડી કરવા બદલ ગંભીર કાર્યવાહી કરે અને છોકરીને તેના માતાપિતાને સોંપે. આ મામલામાં કોલ્હુઈના એસએચઓ અભિષેક સિંહે કહ્યું કે પોલીસ આ સમગ્ર મામલાની ઊંડાણપૂર્વક તપાસ કરી રહી છે. પીડિત યુવકે પોલીસમાં ફરિયાદ આપ્યા બાદ હવે પોલીસે આ સમગ્ર મામલે ઝીણવટભરી તપાસ શરૂ કરી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
